عظمی بخاری کی بلاول ہائوس لاہور کی سکیورٹی واپس لینے کی تردید

چند اہلکار ریسٹ پر تھے جن کی جگہ ڈیوٹی پر متبادل بھجوا دئیے گئے ‘ ترجمان پولیس

بدھ 15 اکتوبر 2025 22:00

لاہور(اُردو پوائنٹ اخبارتازہ ترین - این این آئی۔ 15 اکتوبر2025ء) صوبائی وزیر اطلاعات عظمی بخاری نے بلاول ہائوس لاہور کی سکیورٹی واپس لینے کی تردید کرتے ہوئے کہا ہے کہ بلاول ہائوس لاہور کی سکیورٹی واپس لینے کی خبریں جھوٹ اور من گھڑت ہیں۔اپنے بیان میں وزیر اطلاعات نے کہا کہ میڈیا اور صحافیوں کو فیک نیوز چلانے سے گریز کرنا چاہیے،بلاول ہائوس لاہور کی سکیورٹی معمول کے مطابق موجود ہے۔

(جاری ہے)

ترجمان لاہور پولیس نے بھی اپنے بیان میں کہا ہے کہ بلاول ہائوس لاہور کی سیکورٹی واپس لینے کی خبر حقائق کے منافی ہے،چند اہلکار ریسٹ پر تھے جن کی جگہ ڈیوٹی پر متبادل بھجوا دئیے گئے ہیں۔ معمول کی تبدیلی کو سکیورٹی واپس لینے سے جوڑنا بے بنیاد ہے، معمول کی تبدیلی کو سیاسی رنگ دینا حقائق کے منافی ہے۔ پولیس ترجمان کے مطابق حکومت پنجاب کی طرف سے ایسی کوئی ہدایات نہیں دی گئیں۔