ضلع ملتان میں ریسکیو1122نے 359افرادکوریسکیوکیا،ترجمان

جمعرات 16 اکتوبر 2025 23:01

ملتان (اُردو پوائنٹ اخبارتازہ ترین - اے پی پی۔ 16 اکتوبر2025ء) ریسکیو 1122کی جانب سےگزشتہ24گھنٹوں میں ضلع ملتان میں350ایمرجنسیز میں مجموعی طور359افرادکوریسکیوکیاگیا۔ترجمان کےمطابق گزشتہ چوبیس گھنٹوں کےدوران ملتان شہر میں339 ،شجاع آبادمیں14اور جلال پورپیروالامیں چھ ایمرجینسیز پیش آئیں۔جن میں ٹریفک حادثات کی تعداد86ہے،ملتان شہر میں80،شجاع آباد میں پانچ اور جلال پور پیر والا میں ایک ٹریفک حادثہ پیش آیا۔

ریسکیو 1122 کی ٹیموں نےضلع بھرمیں219میڈیکل ایمرجنسیزمیں مریضوں کومختلف ہسپتالوں میں شفٹ کیا،ملتان شہر میں210،شجاع آباد میں آٹھ اورجلال پور پیروالا میں ایک میڈیکل ایمرجینسی اٹینڈ کی گئی۔سات کرائم اور 25متفرق ایمرجینسیزپرریسکیوکیا گیا۔مجموعی طور پر359افراد کوریسکیو کیا گیا،ملتان شہرمیں339،شجاع آباد میں 14اور جلال پور پیر والا میں چھ افرادکوریسکیوکیا گیا۔

(جاری ہے)

ریسکیو 1122 نے گزشتہ 24 گھنٹوں کے دوران ملتان ،شجاع آباد اورجلال پورپیروالا میں دریائے چناب اور دریائے ستلج کے سیلاب سے متاثرہ علاقوں میں متاثرین کو ٹرانسپورٹیشن سروسز فراہم کیں۔ اس سہولت کے تحت سیلاب کے دوران قائم کیے گئے ریلیف کیمپوں میں مقیم افراد کو اپنے گھروں تک پہنچانے کے لیے ٹرانسپورٹ مہیا کی گئی جبکہ وہ متاثرین جو کیمپوں میں منتقل نہیں ہو سکے تھےانہیں کھانے اور راشن کی فراہمی بھی یقینی بنائی گئی۔ اس ٹرانسپورٹیشن سروس سے 633افراد نے استفادہ حاصل کیا۔

Facebook Twitter Google + Share on Whatsapp

ضلع ملتان میں ریسکیو1122نے 359افرادکوریسکیوکیا،ترجمان

متعلقہ عنوان :

مزید قومی خبریں