امریکا،طوفان کے پیش نظر 1 ہزار 500 سے زائد افراد کی نقل مکانی

طوفان سے ایک شخص ہلاک،2 شہری بھی لاپتہ ہیں، تلاش کے لیے کام جاری ہے،حکام

جمعہ 17 اکتوبر 2025 14:15

نیویارک(اُردو پوائنٹ اخبارتازہ ترین - این این آئی۔ 17 اکتوبر2025ء) امریکی ریاست الاسکا کے دیگر علاقوں کی جانب بڑھنے والے طوفان کے پیش نظر ممکنہ طور پر متاثر ہونے والے علاقوں کے 1 ہزار 500 سے زائد افراد کو طیاروں کے ذریعے محفوظ مقام پر منتقل کر دیا گیا۔

(جاری ہے)

غیرملکی میڈیا کے مطابق امریکی ریاست الاسکا کے دور افتادہ مقام یوکون کسکوکوم میں طوفان ہیلونگ نے تباہی مچادی ہے جس کی وجہ سے ریاست الاسکا میں 1 ہزار 500 سے زائد آبادی کو فضائی راستے سے محفوظ مقام پر پہچانے کے لیے فضائی آپریشن کیا گیا ہے۔

طوفان کی شدید زد میں آنے والے علاقے جیسے کپنوک اور کنگلنگ گوک میں آبادی کو شدید مشکلات کا سامنا کرنا پڑا، جہاں آبادی نے عارضی پناہ گاہوں میں قیام کیا۔امریکی حکومت کی جانب سے ریسکیو حکام کی بڑی تعداد کو علاقے میں پہنچا دیا گیا ہے۔ایمرجنسی مینجمنٹ نے طوفان سے 1 شخص کی ہلاکت کی تصدیق کی ہے۔ایمرجنسی مینجمنٹ نے بتایا کہ طافان سے 2 شہری بھی لاپتہ ہیں، جنکی تلاش کے لیے کام جاری ہے۔