جامع مساجد کے گرد صفائی آپریشن،کمرشل مارکیٹس، عوامی مقامات پر صفائی کا عمل تین شفٹوں میں جاری رہا،ترجمان

جمعہ 17 اکتوبر 2025 21:48

لاہور (اُردو پوائنٹ اخبارتازہ ترین - اے پی پی۔ 17 اکتوبر2025ء) لاہور ویسٹ مینجمنٹ کمپنی کی ٹیمیں صفائی کی بہترین سہولیات کی فراہمی ممکن بنانے کے لیے تین شفٹوں میں فیلڈ میں متحرک ہیں۔ ترجمان کے مطابق سی ای او ایل ڈبلیو ایم سی کی ہدایت پر جمعہ کی مناسبت سے مال روڈ پر واقع مسجد شہدا کے گرد صفائی کے خصوصی انتظامات کیے گئے جبکہ کمرشل مارکیٹس، عوامی مقامات، اور رش والی جگہوں پر مینوئل سویپنگ کا عمل بھی جاری ہے۔

سمن آباد ٹائون میں جامع مسجد دارالقوا، جامع مسجد اقصی ،جامع مسجد زبیر کے اطراف مینوئل سویپنگ پر عملہ تعینات رہا۔جامع مسجد مدینہ،جامع مسجد غوثیہ، جامع مسجد قبا،جامع مسجد الفضل انوار مدینہ میں صفائی ستھرائی یقینی بنا ئی گئی۔سی ای او نے خصوصی صفائی اقدامات کے حوالے سے کہا کہ 7 ہزار سے زائد کنٹینرز کی کلیئرنس کے ساتھ روزانہ بس سٹاپس، لاری اڈوں کی صفائی کو بھی یقینی بنایا جا رہا ہے۔

(جاری ہے)

مزید برآں شہر کی تمام گلیوں، محلوں، چوراہوں، روڈ ڈیوائڈرز اور مین شاہراہوں کی خصوصی صفائی پر عملہ تعینات ہے۔ لاہوریوں کو صاف ستھرا ماحول فراہم کرنے کیلئے تمام وسائل بروئے کار لا رہے ہیں۔ شہریوں سے بھی گزارش ہے کہ لاہور کو صاف رکھنے میں ایل ڈبلیو ایم سی ٹیموں کا ساتھ دیں۔ صفائی سے متعلق شکایات کے فوری ازالے کے لیے ایل ڈبلیو ایم سی کی ہیلپ لائن1139پر رابطہ کریں یا سوشل میڈیا کا استعمال کریں۔