پنجاب یونیورسٹی اورک کے زیر اہتمام تحقیقی منصوبوں کے جائزے سے متعلق اجلاس

ہفتہ 18 اکتوبر 2025 14:57

ْلاہور (اُردو پوائنٹ اخبارتازہ ترین - این این آئی۔ 18 اکتوبر2025ء) پنجاب یونیورسٹی آفس آف ریسرچ، انوویشن اینڈ کمرشلائزیشن (اورک) کے زیراہتمام تحقیقی منصوبوں کے جائزے سے متعلق کمیٹی کا اجلاس پرووائس چانسلر آفس کے کمیٹی روم میں منعقد ہوا جس میں ریسرچ گرانٹس کی ازسرِنو منظوری کے کیسز، جنرل ریسرچ گرانٹس اور ٹیکنالوجی ڈویلپمنٹ گرانٹس کے لیے موجودہ مالی سال 2025-2026 کے ٹرمز آف ریفرنس مرتب کرنے پر غور کیا گیا۔

(جاری ہے)

اجلاس میں پرو وائس چانسلر پروفیسر ڈاکٹر خالد محمود، ڈائریکٹراورک انجینئر پروفیسر ڈاکٹرعقیل انعام، ڈینز، چیئرپرسن ڈی پی سی سی پروفیسر ڈاکٹر انجم نسیم صبری، خزانہ دار تسنیم کامران و دیگرنے شرکت کی۔ اس موقع پر ڈائریکٹر اورک ڈاکٹرعقیل انعام نے سینئر فیکلٹی ممبران اور انتظامی افسران کو خوش آمدید کرتے ہوئے وائس چانسلر پنجاب یونیورسٹی پروفیسر ڈاکٹر محمد علی کے ویژن کو مدنظر رکھتے ہوئے اجلاس کے ایجنڈے پر روشنی ڈالی۔تفصیلی غور و خوض کے بعد اجلاس کے اختتام پر ڈائریکٹر اورک نے شرکاء کا شکریہ ادا کیا۔