گوجرانوالہ لاہور کو ’’پچھاڑ ‘‘کر آلودہ شہروں کی فہرست میں پہلے نمبر پر آگیا

ہفتہ 1 نومبر 2025 14:01

لاہور(اُردو پوائنٹ اخبارتازہ ترین - این این آئی۔ 01 نومبر2025ء) پنجاب کا ضلع گوجرانوالہ نے آلودگی میں لاہور کو پیچھے چھوڑ کر پہلانمبر حاصل کر لیا ۔لاہور میں سانس لینا دشوار ہوگیا۔

(جاری ہے)

رپورٹ کے مطابق لاہور میںایئر کوالٹی انڈیکس 398 ریکارڈ کیا گیا ، گوجرانوالہ پاکستان کا سب سے آلودہ شہر قرار دیا گیا ہے جہاں ایئر کوالٹی انڈیکس 521 ریکارڈ کیا گیا ہے، فیصل آباد میں میں اے کیو آئی 275 اور ملتان میں 273 رہا۔طبی ماہرین نے شہریوں کو ہدایت کی ہے کہ وہ ماسک کا لازمی استعمال کریں اور آلودہ فضا میں غیر ضروری طور پر گھروں سے باہر نہ نکلیں تاکہ سانس اور آنکھوں کی بیماریوں سے محفوظ رہا جا سکے۔