ملتان ، کیشن وین میں سگریٹ سمگلنگ کی کوشش ناکام بنا دی گئی

ایک کروڑ 80 لاکھ روپے سے زائد مالیت کی نان کسٹم پیڈ سگریٹ ضبط

بدھ 3 دسمبر 2025 21:00

ملتان (اُردو پوائنٹ اخبارتازہ ترین - این این آئی۔ 03 دسمبر2025ء) ملتان میں کسٹم حکام نے نجی کمپنی کی سیکیورٹی کیش وین میں سگریٹ سمگلنگ کی کوشش ناکام بنادی ، ایک کروڑ 80لاکھ روپے سے زائد مالیت کی نان کسٹم پیڈ سگریٹ ضبط کرلی گئیں۔

(جاری ہے)

کسٹم حکام نے کارروائی میں سیکیورٹی یونیفارم میں ملبوس دواسمگلرزکو بھی گرفتارکرلیا۔ دونوں سمگلرز نے خود کو نجی سیکیورٹی کمپنی کا ملازم ظاہر کیا۔کسٹم حکام کے مطابق گرفتار سمگلرز سے نجی سیکیورٹی کمپنی کے نام پر جعلی دستاویزات برآمد کرکے مقدمہ درج کرلیا گیا جبکہ گرفتار سمگلرز کیخلاف مزید قانونی کارروائی بھی شروع کردی گئی۔