یونیورسٹی آف ہری پور میں مؤثر تحقیقی گرانٹ پروپوزل تحریر کرنے کے حوالے سے تربیتی سیشن کا انعقاد

جمعرات 8 جنوری 2026 22:47

ہری پور (اُردو پوائنٹ اخبارتازہ ترین - اے پی پی۔ 08 جنوری2026ء) یونیورسٹی آف ہری پور میں مؤثر تحقیقی گرانٹ پروپوزل تحریر کرنے کے حوالے سے ایک اہم تربیتی سیشن منعقد ہوا جس کا اہتمام ہیومن ریسورس ڈیولپمنٹ سینٹر (HRDC) نے کیا۔

(جاری ہے)

سیشن کا مقصد فیکلٹی ممبران کی تحقیق اور گرانٹ رائٹنگ کی صلاحیتوں کو بہتر بنانا تھا، تربیت کی قیادت پاکستان سائنس فاؤنڈیشن اسلام آباد کے ڈائریکٹر ریسرچ سپورٹ ڈاکٹر مرزا حبیب نے کی جنہوں نے مسابقتی تحقیقی پروپوزلز کی تیاری، فنڈنگ کے مواقع کی نشاندہی، قومی و بین الاقوامی فنڈنگ ترجیحات سے ہم آہنگی، پروپوزل کی ساخت، بجٹنگ، جانچ کے معیار اور گرانٹ رائٹنگ میں عام غلطیوں سے بچاؤ پر تفصیلی رہنمائی فراہم کی۔

یونیورسٹی کے مختلف شعبہ جات سے تعلق رکھنے والے فیکلٹی ممبران نے سیشن میں بھرپور شرکت کی۔ اس موقع پر وائس چانسلر پروفیسر ڈاکٹر شفیق الرحمٰن نے خطاب کرتے ہوئے تحقیقی گرانٹ رائٹنگ کی اہمیت پر زور دیا۔\378