100 سے زائد بچوں سے مبینہ بدفعلی کے مرکزی ملزم کا ڈی این اے 8 متاثرہ بچوں سے میچ کرگیا

بدھ 21 جنوری 2026 16:48

کراچی (اُردو پوائنٹ اخبارتازہ ترین - این این آئی۔ 21 جنوری2026ء) 100 سے زائد بچوں سے مبینہ بدفعلی کے مرکزی ملزم کا ڈی این اے 8 متاثرہ بچوں سے میچ کرگیا۔کراچی کے علاقے محمودآباد میں 100 سے زائد بچوں سے بدفعلی کے سنگین مقدمے کے مرکزی ملزم عمران کی گرفتاری کے بعد تفتیش کا دائرہ وسیع کردیا گیا ہے۔

(جاری ہے)

تفتیشی ذرائع کے مطابق ملزم کا پنجاب کا کرمنل ریکارڈ حاصل کرلیا گیا ہے جس میں مختلف نوعیت کے مقدمات ملتان اور گردونواح میں درج ہیں۔

ذرائع کا کہنا ہے کہ ملزم کیخلاف 2018 سے 2023 تک 8 مقدمات سامنے آئے جن میں بچوں کے ساتھ بدفعلی، اغوا اور اقدام قتل کے مقدمات شامل ہیں۔ذرائع کے مطابق ملزم کی بیوی 2024 میں اسے چھوڑ کر بچوں سمیت فیصل آباد منتقل ہوئی تھی اور اسی دوران ملزم پنجاب آتا جاتا رہتا تھا۔ذرائع کے مطابق ملزم کا ڈی این اے 8 متاثرہ بچوں سے میچ کرگیا ہے جب کہ ملزم سے مزید تفتیش جاری ہے اور 4 روزہ ریمانڈ پر پولیس کیحوالے ہے۔