جی سی یو نیورسٹی لاہو رمیں فری آئی کیمپ کا انعقاد

پیر 16 فروری 2026 18:46

لاہور (اُردو پوائنٹ اخبارتازہ ترین - این این آئی۔ 16 فروری2026ء) گورنمنٹ کالج یونیورسٹی لاہور میں الفلاح سوسائٹی اور المصطفی ویلفیئر ٹرسٹ کے تعاون سے فری آئی کیمپ کا انعقاد کیا گیا، جس میں طلبہ اور فیکلٹی ممبران کی بڑی تعداد نے شرکت کی۔کیمپ میں ماہر ڈاکٹروں کی ٹیم نے جدید آلات کی مدد سے آنکھوں کا معائنہ کیا جبکہ مستحق طلبہ اور عملے کو مفت ادویات اور عینکیں بھی فراہم کی گئیں۔

(جاری ہے)

تقریب میں رجسٹرار ڈاکٹر شوکت علی، المصطفی ٹرسٹ پاکستان کے منیجنگ ڈائریکٹر نصرت سلیم اور آئی ہسپتال کے میڈیکل سپرنٹنڈنٹ خالد بن اسلم بھی موجود تھے۔وائس چانسلر پروفیسر ڈاکٹر محمد عمر چوہدری نے اپنے پیغام میں کہا کہ اس نوعیت کی فلاحی سرگرمیاں طلبہ میں انسانیت اور سماجی ذمہ داری کے جذبے کو فروغ دیتی ہیں۔خالد بن اسلم کے مطابق ادارہ ملک بھر میں آنکھوں کے علاج کے مختلف منصوبے جاری رکھے ہوئے ہے اور المصطفی پاکستان کے مطابق 2010ء سے اب تک 2لاکھ 52ہزار سے زائد مفت موتیے کے آپریشن کیے جا چکے ہیں۔

Facebook Twitter Google + Share on Whatsapp

جی سی یو نیورسٹی لاہو رمیں فری آئی کیمپ کا انعقاد

متعلقہ عنوان :

مزید تعلیم کی خبریں