Live Updates

وفاقی آئینی عدالت نے تعمیراتی کاموں پر خیبر پختونخوا حکومت کا ٹیکس لگانا قانونی قرار دیدیا

جمعہ 20 فروری 2026 23:23

اسلام آباد (اُردو پوائنٹ اخبارتازہ ترین - آن لائن۔ 20 فروری2026ء) وفاقی آئینی عدالت نے تعمیراتی کاموں پر خیبر پختونخوا حکومت کا ٹیکس لگانا قانونی قرار دیتے ہوئے خیبر پختونخوا سیلز ٹیکس آن سروسز ایکٹ کے خلاف اپیلیں خارج کر دیں جسٹس عامر فاروق نے تحریری فیصلہ جاری کردیا ہے۔

(جاری ہے)

فیصلے میں کہاگیاہے کہ 27ویں آئینی ترمیم کے بعد سپریم کورٹ قوانین کو آئینی بنیادوں پر کالعدم قرار نہیں دے سکتی، ستائیسویں ترمیم کے بعد آئینی تشریح کا اختیار مخصوص فورم تک محدود کر دیا گیا،ستائیسویں ترمیم کے بعد آئین تشریح کے لیے آئینی عدالت کسی بھی عدالت یا ٹربیونل سے ریکارڈ طلب کر سکتی ہے، خیبر پختونخوا سیلز ٹیکس آن سروسز ایکٹ 2022 کے شیڈول 2 کا سیریل نمبر 14 آئین کے منافی نہیں ہے،18 ویں ترمیم کے بعد سروسز پر ٹیکس لگانے کا اختیار صوبوں کے پاس ہے، وفاقی حکومت صرف اشیائپر ٹیکس لگا سکتی ہے، ایکٹ کا سیریل نمبر 14 تعمیراتی خدمات پر ٹیکس سے متعلق ہے، اس میں اشیاء شامل نہیں ہیں، کسی شہری یا کمپنی کو ایک ہی چیز پر دو بار ٹیکس نہ دینا پڑے، معاہدے موجود ہیں، ریونیو اتھارٹی ایسے اصول بنائے جس میں ٹھیکیدار کے کل بجٹ کو سروسز اور سامان میں الگ الگ بانٹا جائے۔