بین الاقوامی کیو ایس رینکنگ، پنجاب یونیورسٹی کی شاندار کامیابی

جمعرات 26 مارچ 2026 21:04

لاہور (اُردو پوائنٹ اخبارتازہ ترین - این این آئی۔ 26 مارچ2026ء) پنجاب یونیورسٹی نے کیو ایس سبجیکٹ رینکنگ 2026 میں ایک اہم سنگِ میل حاصل کرتے ہوئے مجموعی طور پر عالمی درجہ بندی میں 542 ویں پوزیشن حاصل کر لی ہے، جو اس کی بڑھتی ہوئی تعلیمی معیار اور تحقیقی اثر و رسوخ کی عکاسی کرتی ہے۔ یونیورسٹی نے قومی سطح پر شاندار کارکردگی کا مظاہرہ کرتے ہوئے لسانیات (Linguistics) اور تعلیم (Education) کے شعبوں میں پاکستان میں پہلی پوزیشن حاصل کی ہے۔

رینکنگ کی تفصیلات کے مطابق، یونیورسٹی کے کئی شعبہ جات نے عالمی سطح پر قابلِ ذکر مقام حاصل کیا ہے۔ پیٹرولیم انجینئرنگ کو عالمی سطح پر 101ط150 کے درمیان درجہ بندی ملی، فارمیسی و فارماکولوجی اور ریاضی 151ط200 کی حد میں رہے جبکہ لسانیات کو 201-250 کی درجہ بندی ملی ۔

(جاری ہے)

اسی طرح شماریات اینڈ آپریشنل ریسرچ 251ط275 کے درمیان جبکہ کیمسٹری 251ط300 کی رینج میں شامل رہی۔

مزید برآں، زراعت و جنگلات، فزکس و فلکیات اور کیمیکل انجینئرنگ کو 301ط350 کے درمیان درجہ بندی ملی۔ کمپیوٹر سائنس و انفارمیشن سسٹمز، میٹریلز سائنس اور ماحولیاتی سائنس 351ط400 کی رینج میں رہے۔ انجینئرنگ و ٹیکنالوجی، اکنامکس و ایکونومیٹرکس، نیچرل سائنسز، بزنس و مینجمنٹ، ایجوکیشن، بائیولوجیکل سائنسز اور سوشل سائنسز اینڈ مینجمنٹ کو 401ط450 کے درمیان رکھا گیا، جبکہ میڈیسن نے عالمی سطح پر 551ط600 کی پوزیشن حاصل کی۔

اپنے بیان میں وائس چانسلر پروفیسر ڈاکٹر محمد علی نے اس کامیابی کو مضبوط تعلیمی شہرت، معیاری تحقیق اور بڑھتی ہوئی بین الاقوامی پہچان کا مظہر قرار دیا۔ انہوں نے کہا کہ پنجاب یونیورسٹی کی عالمی درجہ بندی اس کی متنوع تعلیمی طاقت کو ظاہر کرتی ہے۔ ان کا کہنا تھا کہ یہ کامیابی یونیورسٹی کی پاکستان کے نمایاں اعلیٰ تعلیمی اداروں میں حیثیت کو مزید مستحکم کرتی ہے، جو قومی ترقی اور عالمی علم میں اہم کردار ادا کر رہی ہے۔انہوں نے تعلیمی معیار کو مزید بہتر بنانے اور عالمی سطح پر روابط کو فروغ دینے کے عزم کا اعادہ بھی کیا۔