کراچی :میٹرک کے امتحانات: ایڈمٹ کارڈز کے حصول میں درپیش رکاوٹیں ختم ہو گئی

منگل 7 اپریل 2026 23:22

کراچی(اُردو پوائنٹ اخبارتازہ ترین - این این آئی۔ 07 اپریل2026ء) میٹرک امتحانات کے لئے پورٹل کی صورتحال بہتر ہونے سے ایڈمٹ کارڈز کے حصول میں درپیش رکاوٹیں ختم ہو گئی اور اب تک 85 فیصد امیدواروں کے ایڈمٹ کارڈز ڈاؤن لوڈ ہوگئے۔تفصیلات کے مطابق میٹرک بورڈ کراچی کے تحت سالانہ امتحانات کی تاریخ میں توسیع کے بعد ایڈمٹ کارڈز کے حصول کا عمل تیزی سے مکمل ہو رہا ہے۔

تازہ ترین اعداد و شمار کے مطابق اب تک 85 فیصد امیدواروں کے ایڈمٹ کارڈز ڈاؤن لوڈ کیے جا چکے ہیں۔امتحانات کے انعقاد سے قبل میٹرک بورڈ کا پرانا سرور اور پورٹل پر شدید دبا امیدواروں اور اسکول انتظامیہ کے لیے بڑی مشکل بن گیا تھا۔ تاہم، اب پورٹل کی صورتحال بہتر ہونے سے ایڈمٹ کارڈز کے حصول میں درپیش رکاوٹیں ختم ہو گئی ہیں۔

(جاری ہے)

نجی اور سرکاری اسکولوں کے علاوہ پرائیویٹ امیدواروں کو بھی بورڈ آفس سے ایڈمٹ کارڈز جاری کر دیے گئے ہیں۔

ترجمان میٹرک بورڈ ایم اے جعفری کا کہنا ہے کہ امتحانات کو ری شیڈول کرنے کا فیصلہ خالصتا طلبہ کے وسیع تر مفاد میں کیا گیا ہے تاکہ وہ سکون سے اپنی تیاری مکمل کر سکیں، سالانہ امتحانات پہلے سے مقرر کردہ مراکز پر ہی منعقد ہوں گے، جن میں کوئی تبدیلی نہیں کی گئی۔ایڈمٹ کارڈز کے حصول کے لیے بورڈ آفس آنے والے امیدواروں اور اسکول نمائندوں کو گھنٹوں انتظار کی زحمت اٹھانی پڑی۔ اگرچہ بورڈ کی جانب سے سائلین کے لیے ٹینٹ کا انتظام کیا گیا تھا، تاہم بڑھتی ہوئی مہنگائی کے دور میں دور دراز سے بورڈ آفس کے بار بار چکر لگانا طلبہ اور والدین کے لیے مالی بوجھ کا سبب بھی بنا۔

Facebook Twitter Google + Share on Whatsapp

کراچی :میٹرک کے امتحانات: ایڈمٹ کارڈز کے حصول میں درپیش رکاوٹیں ختم ہو گئی

متعلقہ عنوان :

مزید تعلیم کی خبریں