×بلاول بھٹو کا بزرگ سیاست دان ، پنجاب کے سابق گورنر سردار ذوالفقار علی کھوسہ کے انتقال پر گہرے دکھ اور افسوس کا اظہار

جمعہ 10 اپریل 2026 19:00

Qاسلام آباد(اُردو پوائنٹ اخبارتازہ ترین - آن لائن۔ 10 اپریل2026ء) پاکستان پیپلز پارٹی کے چیئرمین بلاول بھٹو زرداری نے بزرگ سیاست دان اور پنجاب کے سابق گورنر سردار ذوالفقار علی کھوسہ کے انتقال پر گہرے دکھ اور افسوس کا اظہار کیا ہے۔

(جاری ہے)

اپنے تعزیتی پیغام میں بلاول بھٹو زرداری نے مرحوم کے صاحبزادے سردار دوست محمد کھوسہ اور دیگر لواحقین سے دلی ہمدردی اور تعزیت کا اظہار کرتے ہوئے کہا کہ سردار ذوالفقار علی کھوسہ کا انتقال پاکستانی سیاست میں ایک عہد کے خاتمے کے مترادف ہے۔

انہوں نے کہا کہ مرحوم نصف صدی سے زائد عرصے تک ملکی سیاست میں متحرک رہے اور اپنی خدمات کے ذریعے ایک نمایاں مقام حاصل کیا۔چیئرمین پیپلز پارٹی نے مرحوم کے بلند درجات کے لیے فاتحہ خوانی کی اور دعا کی کہ اللہ تعالیٰ انہیں اپنی جوارِ رحمت میں اعلیٰ مقام عطا فرمائے۔ انہوں نے لواحقین کے لیے صبرِ جمیل کی دعا کرتے ہوئے کہا کہ اللہ تعالیٰ اس ناقابلِ تلافی نقصان کو برداشت کرنے کی ہمت عطا فرمائے۔