آرٹس کونسل آف پاکستان لاڑکانہ میں کلاکار ایوارڈ 2026 کی تقریب

لاڑکانہ (اُردو پوائنٹ اخبارتازہ ترین - اے پی پی۔ 12 اپریل2026ء) کلاکار ایوارڈ 2026 کی تقریب ”موئن جو دڑو پروڈکشن“ کی جانب سے آرٹس کونسل آف پاکستان لاڑکانہ میں محکمہ ثقافت حکومت سندھ کے تعاون سے منعقد کی گئی۔ یہ تقریب آرٹس کونسل آف پاکستان لاڑکانہ کے ذوالفقار علی بھٹو اوپن ایئر تھیٹر میں منعقد ہوئی۔تقریب کا آغاز معروف گلوکارہ سہونی ناز کی جانب سے کلام پیش کرنے سے ہوا۔

اس موقع پر سندھ کے 60 معروف فنکاروں، ٹی وی، ریڈیو اور اسٹیج کے فنکاروں، شعرا، ادیبوں، صحافیوں اور مختلف شعبہ ہائے زندگی سے تعلق رکھنے والی شخصیات کو کلاکار ایوارڈز سے نوازا گیا۔جن فنکاروں اور شخصیات کو ایوارڈز دیئے گئے ان میں شاعرہ خالدہ سحر، ندیم اختر سومرو (فوٹوگرافر اے پی پی لاڑکانہ اور چیئرمین فوٹوگرافی/ڈاکومنٹری ڈیپارٹمنٹ آرٹس کونسل آف پاکستان لاڑکانہ)، سید نثار شاہ، سنوری فلک، ریما ناز، سانول میرالی، ہامیر خان گڈ، عبد الستار ابڑو، سجدہ بتول، سجاد سومرو، سہراب گوپانگ، شمس پریمی، ریڈیو پاکستان کے پروگرام مینیجر علی مہر، پروڈیوسر بہادر مہر، کمپوزر سہراب گوپانگ، لالا رفیق، منظور سیٹائی، عبد الفتاح چنا، صحافی راشد سامو، وقار سامو، سید مشتاق بخاری، اداکار امجد گل سومرو، منظور آکاش، شاعر و ادیب عزیز قاسمانی، استاد گل دایو، جواد جعفری، ڈاکٹر ذوالفقار راہوجو، اداکارہ سیما چانڈیو، علی امجد ابڑو، ابی بوس، ثانیہ بلوچ، سلیم چنا، نثار مغیری، صدام کھوڑو، روشن ٹوٹانی، سیٹ ڈیزائنر گلاب شاہانی، اسٹیج سیکریٹری ایڈووکیٹ قادر ڈومکی، جمیل احمد بھٹو، عمران نذیر، اداکار ظفر کھوکھر، ، عبد الہادی بگٹی، فیاض لاشاری، راشد چانڈیو، ڈرامہ چیئرمین علی روشن شیخ، ذوالفقار بردی، اسحاق ، شاعر سرتاج جاگیرانی، ریاض مہیسر، جاوید بلوچ، عاشق مگسی، فیروز احمد اور وائس چیئرمین پریس اینڈ پبلسٹی ناصر محمد شامل تھے۔

(جاری ہے)

پروگرام کے مہمانانِ خصوصی میں پاکستان پیپلز پارٹی سٹی لاڑکانہ کے صدر اور وزیر اعلیٰ سندھ کے خصوصی معاون خیر محمد شیخ، سماجی کارکن آصف شاہانی، شہری اتحاد لاڑکانہ کے صدر نیاز حسین ابڑو، مرید کاکرانی، ایڈووکیٹ عبد الستار ہلیو اور ضلع لاڑکانہ عشر و زکوٰاة کمیٹی کے چیئرمین منیر احمد شیخ شامل تھے۔تقریب سے خطاب کرتے ہوئے خیر محمد شیخ نے کہا کہ آرٹس کونسل آف پاکستان لاڑکانہ ہمارے قائد شہید بے نظیر بھٹو کی جانب سے عوام کو دیا گیا ایک تحفہ ہے۔

انہوں نے کہا کہ یہاں ہر کوئی اپنے پروگرام منعقد کرتا ہے اور لاڑکانہ کے شہریوں کو تفریح فراہم کی جاتی ہے۔ انہوں نے کہا کہ پاکستان پیپلز پارٹی نے ہمیشہ عوام کی خدمت کی ہے۔موہن جو دڑو پروڈکشنز کے سی ای او فدا حسین ملانو جنہوں نے اتنے بڑے کلاکار ایوارڈ پروگرام کا انعقاد کر کے اپنا نام بنایا۔انہوں نے کہا کہ وہ ہمیشہ سندھ کے معروف اداکاروں اور دیگر شخصیات کو ان کی خدمات کے اعتراف میں ایوارڈز دیتے رہے ہیں اور شاندار پروگرام منعقد کرتے ہیں۔

تقریب میں آرٹس کونسل آف پاکستان لاڑکانہ کے عہدیداران سید جاوید شاہ، اختر پیا، عاشق دایو، علی روشن شیخ، نثار مغیری اور ایوب، سینئر فنکار احمد پٹھان، بدر سومرو، نصیر خواوڑ اور دیگر نے شرکت کی جبکہ فنکار سہونی ناز، جگر جلال اور فدا کھوکھر نے اپنے فن کا مظاہرہ کر کے حاضرین کو خوب محظوظ کیا۔