صرف111 دن، 322 اموات کراچی کی سڑکیں یا موت کا میدان:شاہد فراز

ہیوی ٹریفک بے لگام ہوگیا، 52 شہری ٹرالر کی زد میں آ کر جاں بحق ہوئے،نا اہل وزیراعلی، آئی جی ٹریفک کا عہدوں پر رہنے کا اخلاقی جوازبا قی نہیں رہتا،کرپٹ سند ھ حکومت کا باطل نظام سمجھ لے کہ ایک اور سفید جھنڈا، دور نہیں ہے ،جنرل سیکرٹری مہاجرقومی موومنٹ

جمعرات 23 اپریل 2026 22:40

کراچی(اُردو پوائنٹ اخبارتازہ ترین - این این آئی۔ 23 اپریل2026ء) مہا جر قومی موومنٹ (پاکستان)کے چیئرمین آفاق احمد کی رائشگاہ پر سکریٹری جنرل شاہد فراز نے شہر کی ابتر صورت حال سے متاثرہ شہریوں کے ایک وفد سے ملاقات کے دوران شہر کی دالخراش صورت حال پر تبصرہ کرتے ہوئے کہاکہ کراچی کی سڑکیں مسلسل خون میں نہا ر رہی ہیں۔ صرف 111 دنوں میں 322 شہری ٹریفک حادثات کے باعث جان کی بازی ہار چکے ہیں، جن میں صرف 52 افراد ٹرالرز کی زد میں آ کر جاں بحق ہوئے جبکہ زخمیوں کی تعداد کہیں زیادہ ہے۔

یہ اعداد و شمار کسی حادثاتی صورتحال کی نہیں بلکہ ایک مسلسل انتظامی ناکامی،کرپٹ اور مجرمانہ غفلت کی عکاسی کرتے ہیں۔واضح احکامات کے باوجود ہیوی ٹریفک کو رات 11 بجے کے بعد شہر میں داخلے ہونے کا قانون عملا نظر نہیں آتا۔

(جاری ہے)

انہوں نے کہا کہ شہر میں ٹریفک قوانین پر سختی سے عمل درآمد کیوں نہیں ہوتا۔ اور حادثے کے ذمہ دار سزا سے کیوں بچ جا تے ہیں دوسری طرف لو ائقین کی حکومت کو ئی مدد نہیں کرتی ہے، ہم اسکی ذمہ داری براہ راست نا اہل اور کرپٹ وز یراعلی سندھ، آئی جی ٹریفک اور وزیر ٹرانسپورٹ پر عائد کرتے ہیں، جن کی نگرانی میں یہ نظام چل رہا ہے جو کہ شہریوں کا تحفظ یقینی بنانے میں مکمل ناکام ہے۔

انہوں نے کہا کہ شہر میں اس خوفناک صورت حا ل کے بعد نا اہل وزیراعلی، آئی جی ٹریفک کا عہدوں پر رہنے کا اخلاقی جوازبا قی نہیں رہتا۔کراچی کے شہری اب مزید لاشیں اٹھانے کے لیے تیار نہیں۔شاہد فراز نے کہا کہ ڈ مپر کے بعد ٹرالر نے کراچی میں موت کی صرف شکل بدلی ہے، نظام وہی قاتل ہے اگر ریاست خاموش رہی،تو عوام کا ردعمل خاموش نہیں ہوگا، شاہد فرازنے کہ چیئرمین آفاق احمد اس معاملے پر گرفتاری کا سامنہ بھی کرچکے ہیں، جبکہ ابتک مقدمات مسلسل جاری ہیں۔انہوں نے کہا کہ باطل نظام سمجھ لے کہ ایک اور سفید جھنڈا دور نہیں ہے۔

Facebook Twitter Google + Share on Whatsapp

صرف111 دن، 322 اموات کراچی کی سڑکیں یا موت کا میدان:شاہد فراز

متعلقہ عنوان :

مزید اہم خبریں