خلاف ورزی کرنے والے جہازوں کو طاقت سے روکیں گے، ایران

ایرانی پروٹوکول فالو کرنے والے سول اور تجارتی جہازوں کی نقل و حرکت محفوظ ہوگی،بریگیڈیئر حسین محبی

پیر 4 مئی 2026 18:15

تہران (اُردو پوائنٹ اخبارتازہ ترین - این این آئی۔ 04 مئی2026ء) ایرانی پاسداران انقلاب گارڈز کے ترجمان اور محکمہ تعلقات عامہ کے سربراہ بریگیڈیئر جنرل حسین محبی نے کہا ہے کہ آبنائے ہرمز میں ایرانی کنٹرول کی خلاف ورزی کرنے والے جہازوں کو طاقت سے روکیں گے۔

(جاری ہے)

ایرانی پاسداران انقلاب گارڈز کے ترجمان نے تہران سے جاری اپنے بیان میں کہا کہ آبنائے ہرمز کے انتظامی عمل میں کوئی تبدیلی نہیں کی گئی، ایرانی پروٹوکول فالو کرنے والے سول اور تجارتی جہازوں کی نقل و حرکت محفوظ ہوگی۔ بریگیڈیئر جنرل محبی نے کہا کہ خلاف ورزی کرنے والی بحری سرگرمیوں کو سنگین خطرات کا سامنا کرنا ہوگا۔ انھوں نے مزید کہا ضروری ہے کہ شپنگ کمپنیاں پاسداران کے اعلانات پر توجہ دیں۔