مظفرآباد، تحریک تحفظ مدارس دینیہ آزاد کشمیر کا اہم اجلاس

منگل 5 مئی 2026 16:46

مظفرآباد(اُردو پوائنٹ اخبارتازہ ترین - این این آئی۔ 05 مئی2026ء) تحریک تحفظ مدارس دینیہ آزاد کشمیر کا اہم اجلاس۔صدارت علامہ حمید الدین برکتی نے کی اجلاس میں سیکرٹری جنرل مولانا قاری عبدالماجد خان،مولانا ذاہد اثری، دانیال شہاب مدنی ویگر شرکت کی، علما کرام نے اجلاس سے خطاب کرتے ہوئے کہا کہ مدارس دینیہ کے اقامتی طلبا کے لئے حکومت محکمہ خوراک سے آٹے کا کوٹہ مختص کرے تاکہ طلبا کے لنگر کے لئے آٹے کا حصول آسان بنایا جاسکے، وزیراعظم آزادکشمیر فیصل ممتاز راٹھور محکمہ زکوٰة کو ہدایت کریں کہ دینی مدارس کی منظور شدہ اعانت فورا واگزار کرے، اجلاس نے مطالبہ کیا کہ حکومت دینی مدارس کے جملہ مسائل حل کرے۔

(جاری ہے)

اجلاس سے مولانا ضیاء الحق فضل مولانا طاہر برکتی قاری احمد سرور، قاری بلال سمیت دینی مدارس کے جملہ بورڈز ہا کے نمائندوں نے بھی شرکت کی۔اجلاس کے آخر میں چارسدہ میں ممتاز عالم دین شیخ الحدیث مولانا محمد ادریس کی المناک شہادت پر دکھ غم اور غصے کا اظہار کیا اور ان کے لئے دعا مغفرت کی، علما نے مطالبہ کیا کہ قاتلوں کو فوری گرفتار کر کے قرار واقعی سزا دی جائے