آئی پی ایل میں ایک اور تنازع، راجستھان رائلز اور سوریاونشی کی مشکلات میں اضافہ

نوجوان ٹیلنٹ کو عالمی سطح پر مواقع دینا ضروری،کم عمر کھلاڑیوں کو ایسے دباؤ سے بچانا چاہیے،ماہرین

بدھ 6 مئی 2026 17:38

آئی پی ایل میں ایک اور تنازع، راجستھان رائلز اور سوریاونشی کی مشکلات ..

نئی دہلی (اُردو پوائنٹ اخبارتازہ ترین - این این آئی۔ 06 مئی2026ء) تنازعات کی زد میں رہنے والی انڈین پریمیئر لیگ ایک اور تنازعے میں پھنس گئی ہے۔بھارتی میڈیا رپورٹس کے مطابق 15 سالہ ویبھو سوریاونشی کو آئی پی ایل میں کھلانے پر راجستھان رائلز پر چائلڈ لیبر کا الزام عائد ہوگیا ہے۔ایک سماجی کارکن سی ایم شیوکمارنائک نے فرنچائز کے خلاف ایف آئی آر درج کرانے کی دھمکی دی ہے، ان کا موقف ہے کہ 15 سالہ کھلاڑی کو پروفیشنل لیگ میں کھلانا ’چائلڈ لیبر‘ کے زمرے میں آتا ہے۔

(جاری ہے)

ویبھو سوریاونشی حالیہ دنوں میں مختلف وجوہات کی بنا پر خبروں میں رہے ہیں۔کبھی ان پر غیر پیشہ ورانہ رویے کے الزامات لگائے گئے تو کبھی ان کے بارے میں عجیب و غریب افواہیں سامنے آئیں، جن میں ان کے سامان میں کسی اے آئی چپ کی موجودگی جیسے دعوے بھی شامل تھے تاہم تازہ تنازعہ براہ راست ان کی عمر اور بنیادی حقوق سے متعلق ہے۔کرکٹ حلقوں میں اس معاملے پر ملا جلا ردعمل دیکھنے کو مل رہا ہے۔کچھ ماہرین نے کہاکہ نوجوان ٹیلنٹ کو عالمی سطح پر مواقع دینا ضروری ہے، جبکہ دیگر نے کہاہے کہ کم عمر کھلاڑیوں کو ایسے دباؤ سے بچانا چاہیے۔