ویلز کے مایہ ناز رگبی سٹار لی ہاف پینی کا ریٹائرمنٹ کا اعلان، دو دہائیوں پر محیط کیریئر کا اختتام

بدھ 6 مئی 2026 17:59

لندن (اُردو پوائنٹ اخبارتازہ ترین - اے پی پی۔ 06 مئی2026ء) ویلز رگبی کے لیجنڈری کھلاڑی لی ہاف پینی نے پیشہ ورانہ رگبی سے ریٹائرمنٹ کا اعلان کر دیا ہے۔ای ایس پی این کے مطابق 37 سالہ فل بیک لی ہاف پینی رواں سیزن کے اختتام پر اپنے تقریباً 20 سالہ شاندار کیریئر کو الوداع کہیں گے، جس کا آغاز اور اختتام کارڈف رگبی کلب سے ہو رہا ہے۔لی ہاف پینی نے ویلز کے لیے 101 بین الاقوامی میچز کھیلے اور تین مرتبہ برٹش اینڈ آئی ریش لائنز کے دوروں پر اپنی ٹیم کی نمائندگی کی۔

(جاری ہے)

ان کے کیریئر کا ایک یادگار لمحہ 2013 میں آسٹریلیا کے خلاف فتح تھی، جہاں انہیں پلیئر آف دی سیریز قرار دیا گیا تھا۔ انہوں نے اپنے طویل سفر کے دوران ٹولون، سکارلیٹس اور ہیمپ سٹیڈ جیسے نامور کلبوں کی جانب سے بھی اپنی صلاحیتوں کے جوہر دکھائے۔کارڈف رگبی کے صدر سر گیرتھ ایڈورڈز نے ہاف پینی کو خراجِ تحسین پیش کرتے ہوئے کہا کہ وہ بلاشبہ کھیل کے عظیم ترین کھلاڑیوں میں سے ایک کے طور پر یاد رکھے جائیں گے۔ وہ نہ صرف میدان میں ایک بہترین کھلاڑی تھے بلکہ میدان سے باہر بھی اپنی عاجزی اور خوش اخلاقی کی وجہ سے سب کے پسندیدہ رہے ہیں۔ لی ہاف پینی کے مداح انہیں رگبی کی تاریخ کے بہترین ککرز اور دفاعی کھلاڑیوں میں شمار کرتے ہیں۔