بنگلادیش میں ایک کرکٹر سمیت چار افراد کرپشن کے الزام میں چارج

جمعہ 8 مئی 2026 13:01

ڈھاکہ (اُردو پوائنٹ اخبارتازہ ترین - این این آئی۔ 08 مئی2026ء) بنگلادیش میں ایک کرکٹر سمیت چار افراد کو کرپشن کے الزام میں چارج کردیا گیا۔میڈیا رپورٹ کے مطابق بنگلادیش کرکٹ بورڈ کے انٹیگریٹی یونٹ نے چار افراد بشمول ایک مقامی کرکٹر کو آئی سی سی اینٹی کرپشن کوڈ کی مختلف دفعات کی خلاف ورزی کے الزام میں چارج کیا ہے۔

(جاری ہے)

2025-26کی بی پی ایل میں شامل چٹاگانگ رائلز سے منسلک سمین الرحمان پر جوئے سے متعلق سرگرمیوں میں ملوث ہونے پر تاحیات پابندی عائد کردی گئی۔

کرکٹر امیت مجمدر، ٹیم منیجرز لبلور رحمان، رضوان کبیر صدیق اور نوکھالی ایکسپریس کے شریک مالک توہید الحق پر بیٹنگ سے متعلق سرگرمیوں، بدعنوانی کی کوششوں، آئی سی سی اینٹی کرپشن کوڈ آرٹیکل 4.3 کے تحت جاری کردہ مطالباتی نوٹس کی عدم تعمیل، متعلقہ مواصلات کو چھپانے اور حذف کرنے، انٹیگریٹی آفیسر کے ساتھ تعاون نہ کرنے کے الزامات ہیں۔ان پر عارضی پابندی عائد کی گئی ہے، انہیں 14 دنوں کے اندر الزامات کا جواب دینا ہوگا۔