پنجاب کی جیلوں میں گنجائش سے زیادہ قیدی رکھنے کا معاملہ ایوان میں پہنچ گیا

جیلوں میں 38ہزار قیدیوں کی گنجائش مگر 71ہزار سے زائد اسیران قید ہیں‘ رکن اسمبلی طاہرہ مشتاق

بدھ 6 مئی 2026 19:38

لاہور (اُردو پوائنٹ اخبارتازہ ترین - این این آئی۔ 06 مئی2026ء) پنجاب کی جیلوں میں اسیران کی گنجائش سے زیادہ قیدی رکھنے کا معاملہ ایوان میں پہنچ گیا۔پنجاب اسمبلی اجلاس سے خطاب کرتے ہوئے لیگی رکن اسمبلی طاہرہ مشتاق نے کہا کہ پنجاب کی جیلوں میں 38ہزار قیدیوں کی گنجائش مگر 71ہزار سے زائد اسیران قید ہیں۔

(جاری ہے)

طاہرہ مشتاق کا کہنا تھا کہ اڈیالہ جیل میں 2171 قیدیوں کی گنجائش مگر 8ہزار قیدی رکھے گئے ہیں، بہاولپور جیل میں 176قیدیوں کی گنجائش 770قیدی ہیں، تمام جیلوں میں علاج کے لئے 110ڈاکٹر تعینات ہیں۔پارلیمانی سیکرٹری خالد رانجھا نے کہا کہ یہ بات درست ہے کہ پنجاب میں جیلوں میں اسیران کے لئے جگہ کی کمی ہے، نئی جیلیں بن رہی ہیں، جس سے معاملہ کچھ بہتر ہو جائے گا۔