راولپنڈی ٹریفک پولیس کا کریک ڈاؤن، اوورلوڈنگ پر سخت کارروائی کا آغاز

بدھ 6 مئی 2026 19:37

راولپنڈی (اُردو پوائنٹ اخبارتازہ ترین - اے پی پی۔ 06 مئی2026ء) چیف ٹریفک آفیسر راولپنڈی فرحان اسلم کے احکامات پر سٹی ٹریفک پولیس نے بغیر فٹنس سرٹیفکیٹ، غیر قانونی سی این جی سلنڈرز اور مسافروں کی اوورلوڈنگ کرنے والی گاڑیوں کے خلاف سخت کریک ڈاؤن شروع کر دیا ہے۔ترجمان ٹریفک پولیس کے مطابق اس مہم کا مقصد انسانی جانوں کا تحفظ، شاہراہوں کو حادثات سے محفوظ بنانا اور شہریوں کو بہتر سفری سہولیات فراہم کرنا ہے۔

(جاری ہے)

حکام کا کہنا ہے کہ ایسی گاڑیاں جو بغیر فٹنس سرٹیفکیٹ، غیر قانونی سی این جی سلنڈر استعمال کرنے یا اوورلوڈنگ میں ملوث پائی جائیں گی، ان کے خلاف بلاامتیاز قانونی کارروائی عمل میں لائی جائے گی۔چیف ٹریفک آفیسر فرحان اسلم نے کہا کہ اس اقدام کا مقصد عوام کے جان و مال کا تحفظ یقینی بنانا اور ضلع راولپنڈی کو حادثات سے پاک بنانا ہے۔ انہوں نے گاڑی مالکان اور ڈرائیورز پر زور دیا کہ وہ کسی بھی قانونی پریشانی سے بچنے کے لیے اپنی گاڑیوں کی بروقت فٹنس کروائیں اور اوورلوڈنگ یا غیر قانونی سی این جی سلنڈرز کے استعمال سے گریز کریں۔