شہری دفاع کی حج تیاریاں، مختلف مقامات پر 27 مراکز قائم

ہفتہ 9 مئی 2026 10:28

ریاض (اُردو پوائنٹ اخبارتازہ ترین - اے پی پی۔ 09 مئی2026ء) جنرل ڈائریکٹیوریٹ آف سول ڈیفنس کی جانب سے رواں سال حج سیزن کی تیاریوں کے حوالے سے مکہ مکرمہ اور مدینہ منورہ میں عارضی مراکز کو فعال کردیا گیاہے۔

(جاری ہے)

اردو نیوز کے مطابق جنرل ڈائریکٹریٹ آف سول ڈیفنس کا کہنا ہے کہ حج سیزن کے دوران عازمین حج کی سکیورٹی اورسلامتی کے پیش نظر مختلف مقامات پر 27 سیزنل مراکز قائم کیے گئے ہیں جہاں اعلی تربیت یافتہ عملے کو 24 گھنٹے کی بنیاد پر تعینات کیا گیا ہے۔

سیزنل مراکز کا براہ راست و مستقل رابطہ مرکزی کنٹرول روم سے ہے جہاں سے کسی بھی ہنگامی حالت سے نمٹنے کے لیے فوری طورپر علاقائی مراکز کو ہدایات ارسال کی جاتی ہیں۔خیال رہے کہ حج ایام کے دوران بھی شہری دفاع کے اضافی یونٹ مشاعر مقدسہ ( منی ، عرفات اور مزدلفہ ) میں تعینات ہوتے ہیں تاکہ کسی بھی ہنگامی حالت میں امدادی کارروائیوں میں تاخیر نہ ہو۔