Live Updates

ایران کے میزائل ذخیرے کی صلاحیت 75 نہیں بلکہ 120 فیصد ہے

عوام کے دفاع کیلئے ہماری تیاری 1 ہزار فیصد ہے، جب بھی کوئی سفارتی حل کا موقع آتا ہے تو امریکا فوجی مہم جوئی کردیتا ہے، ٹرمپ کو نئی دلدل میں دھکیلنے کی کوشش ہورہی ہے۔ ایرانی وزیرخارجہ عباس عراقچی

ثنااللہ ناگرہ جمعہ 8 مئی 2026 21:32

ایران کے میزائل ذخیرے کی صلاحیت 75 نہیں بلکہ 120 فیصد ہے

واشنگٹن (اردوپوائنٹ اخبار تازہ ترین۔ انٹرنیشنل پریس ایجنسی ۔ 08 مئی 2026ء ) ایرانی وزیرخارجہ عباس عراقچی نے ایران کے میزائل ذخیرے کی صلاحیت 75 نہیں بلکہ 120 فیصد ہے۔ ایکس پر اپنے بیان میں انہوں نے کہا کہ جب بھی کوئی سفارتی حل سامنے آتا ہے، امریکہ ایک غیر ذمہ دارانہ فوجی مہم جوئی کا راستہ اختیار کر لیتا ہے۔ کیا یہ محض دباؤ ڈالنے کی بھونڈی حکمتِ عملی ہے؟ یا پھر کسی ایسے کردار کا نتیجہ، جو ایک بار پھر امریکی صدر کو ایک نئی دلدل میں دھکیل رہا ہے؟ وجوہات کچھ بھی ہوں، نتیجہ ہمیشہ ایک ہی رہتا ہے: ایرانی قوم کبھی دباؤ کے آگے نہیں جھکتی۔

دوسری جانب امریکی سینیٹ کام ایڈمرل بریڈ کوپرنے کہا ہے کہ امریکا کا ایران آنے جانے والے جہازوں کی ناکہ بندی پر مکمل عملدرآمد جاری ہے۔

(جاری ہے)

میڈیا کے مطابق امریکی سینٹ کام کا کہنا ہے کہ خلیج عمان میں ایران جانے والے مزید 2 آئل ٹینکرز ناکارہ بنا دیئے۔ امریکی بحریہ کے ایف اے 18سپرہارنیٹ طیاروں نے ایرانی پرچم بردار ٹینکروں کو نشانہ بنایا۔

ایم ٹی سی اسٹار تھری اور ایم ٹی سیوڈ ایرانی بندرگارہ میں داخل ہونے کی کوشش کررہے تھے۔ امریکی حملوں میں ٹینکروں کے اسموک اسٹیکس کو نشانہ بناکر انہیں ناکارہ بنایا گیا۔ 6 مئی کو ایرانی ٹینکر ایم ٹی حسنہ کو امریکی فورسز نے روک دیا تھا۔ ۔ تینوں جہاز اب ایران کی جانب سفر نہیں کررہے ۔ ایران آنے جانے والے جہازوں کی ناکہ بندی پر مکمل عملدرآمد جاری ہے۔

اب تک 50سے زائد تجارتی جہازوں کا رخ موڑا جاچکا ہے، امریکی فوج خطے میں ناکہ بندی کے نفاذ کیلئے مکمل متحرک ہے۔ میڈیا کے مطابق امریکی وزیر خارجہ مارکو روبیو نے کہا کہ ایران کی طرف سے اب تک ہمیں کوئی جواب موصول نہیں ہوا۔ آج ہمیں ایران کا جواب موصول ہوجانا چاہئے، امید ہے کہ ایران مثبت مذاکرات کی طرف آئے گا۔ امید ہے کہ ایران کی طرف سے سنجیدہ تجاویز سامنے آئیں گی۔

ایران کو کسی بھی صورت جوہری ہتھیار رکھنے کی اجازت نہیں دے سکتے۔ ہماری توجہ صردف لبنانی حکومت پر ہے، حزب اللہ سے مذاکرات نہیں ہوں گے۔ ایران ہم پر میزائل فائر کرے گا تو ہم بھی جواب دیں گے۔ انہوں نے کہا کہ ایران کو آبنائے ہرمز کنٹرول کرنے دیا تو کل مزید ممالک سمندری راستے کنٹرول کریں گے۔ دوسری جانب ترجمان ایرانی وزارت خارجہ اسماعیل بقائی نے کہا کہ ایران اب بھی امریکا کی تجویز کا جائزہ لے رہا ہے اور جواب پر غور جاری ہے۔

انہوں نے اپنے بیان میں کہا کہ امریکا کی تازہ تجویز پر فیصلہ مشاورت کے بعد کیا جائے گا۔ امریکا نے جنگ بندی اور بین الاقوامی قوانین کی خلاف ورزی کی ، ایرانی افواج کی صورتحال پر گہری نظر ہے۔ کسی بھی جارحیت اور مہم جوئی کا جواب دینے کیلئے مکمل تیار ہیں۔