سعودی عرب، متحدہ عرب امارات اوردیگرخلیجی ممالک سے ترسیلات زرمیں اضافہ

منگل 12 مئی 2026 12:04

اسلام آباد (اُردو پوائنٹ اخبارتازہ ترین - اے پی پی۔ 12 مئی2026ء) سعودی عرب، متحدہ عرب امارات اوردیگرخلیجی ممالک سے ترسیلات زرمیں جاری مالی سال کے پہلے 10ماہ میں سالانہ بنیادوں پراضافہ ریکارڈکیاگیاہے۔سٹیٹ بینک کی جانب سے جاری کردہ اعدادوشمارکے مطابق جاری مالی سال کے پہلے 10ماہ میں سعودی عرب، یواے ای اورخلیج تعاون کونسل کے دیگررکن ممالک میں کام کرنے والے پاکستانیوں نے 17.95ارب ڈالرزرمبادلہ ملک ارسال کیا جوگزشتہ مالی سال کی اسی مدت کے مقابلہ میں 5.50فیصدزیادہ ہے،گزشتہ مالی سال کی اسی مدت میں مشرق وسطیٰ کے ممالک سے ترسیلات زرکاحجم 17.013ارب ڈالرریکارڈکیاگیاتھا، جاری مالی سال کے پہلے 10ماہ میں سعودی عرب سے ترسیلات زرکاحجم 7.929ارب ڈالرریکارڈکیاگیا جوگزشتہ مالی سال کی اسی مدت کے 7.608ارب ڈالرکے مقابلہ میں 4فیصدزیادہ ہے، اس مدت میں متحدہ عرب امارات سے ترسیلات زرکاحجم 7.008ارب ڈالرریکارڈکیاگیا جوگزشتہ مالی سال کی اسی مدت کے 6.358ارب ڈالرکے مقابلہ میں 10فیصدزیادہ ہے، اسی طرح مالی سال کے پہلے 10ماہ میں قطر،کویت،بحرین اوراومان میں کام کرنے والے پاکستانیوں نے 3.217ارب ڈالرزرمبادلہ ملک ارسال کیا جوگزشتہ مالی سال کی اسی مدت کے3.047ارب ڈالرکے مقابلہ میں 6فیصدزیادہ ہے۔

(جاری ہے)

جاری مالی سال کے پہلے 10ماہ میں ترسیلات زرکامجموعی حجم 33.86ارب ڈالرریکارڈکیاگیا جوگزشتہ مالی سال کی اسی مدت کے 31.20ارب ڈالرکے مقابلہ میں 8فیصدزیادہ ہے۔