فیصل آباد پولیس نے رواں سال بوگس کالز کرنے والے 150 افراد کے خلاف کارروائی کی، پولیس حکام

منگل 12 مئی 2026 22:02

فیصل آباد (اُردو پوائنٹ اخبارتازہ ترین - اے پی پی۔ 12 مئی2026ء) فیصل آباد پولیس نے رواں سال بوگس کالز کرنے والے 150 افراد کے خلاف کارروائی کی، 145 مقدمات درج کئے گئے۔

(جاری ہے)

منگل کو متعلقہ پولیس حکام نے بتایا فیصل آباد پولیس نے رواں سال کے دوران ریسکیو 15 پر بوگس کالز کرنے والے افراد کے خلاف 145مقدمات کا اندراج کیا رواں سال150سے زائد ملزمان کے خلاف قانونی کارروائی کی گئی۔ حکام نے بتایا کہ جھوٹی اطلاع دینا قیمتی سرکاری وسائل کا ضیاع اور قانوناً جرم ہے ۔ملزمان نے مخالفین کے خلاف جھوٹی کارروائیاں کروانے کے لیے بوگس کالز کیں۔ شہری بوگس کالز سے اجتناب کریں۔