کروڑ لعل عیسن میں گھریلو ناچاقی پر شہری نے کلہاڑی کے وار سے بیوی کو قتل کر ڈالا

مقتولہ حسینہ بی بی 6 بچوں کی ماں تھی جب کہ ملزم واردات کے بعد موقع سے فرار ہو گیا،اہل محلہ

بدھ 13 مئی 2026 12:44

کروڑ لعل عیسن میں گھریلو ناچاقی پر شہری نے کلہاڑی کے وار سے بیوی کو ..

کروڑ لعل عیسن(اُردو پوائنٹ اخبارتازہ ترین - این این آئی۔ 13 مئی2026ء) پنجاب کے علاقے کروڑ لعل عیسن میں گھریلو ناچاقی پر خاوند نے بیوی کو کلہاڑی کے وار سے قتل کردیا۔اہل محلہ کے مطابق مقتولہ حسینہ بی بی 6 بچوں کی ماں تھی جب کہ ملزم واردات کے بعد موقع سے فرار ہو گیا۔

(جاری ہے)

دوسری جانب اہل علاقہ نے پولیس کو اطلاع دی جس نے جائے وقوعہ پر پہنچ کر تمام شواہد اکٹھے کیے اور لاش پولیس مارٹم کے لیے مقامی ہسپتال منتقل کرائی۔

علاوہ ازیں تفتیشی افسر کا کہنا تھا کہ ابتدائی طور پر عینی شاہدین نے بتایا کہ دونوں میاں بیوی میں اکثر جھگڑا رہتا تھا، دونوں میں تلخ کلامی ہوئی جس سے خاوند نے طیش میں آکر کلہاڑی کے وار کرکے اپنی بیوی کی جان لے لی۔پولیس نے مزید بتایا کہ ملزم کی گرفتاری کیلئے چھاپے جاری ہیں جلد گرفتار کرکے مزید تحقیقات کی جائیں گی۔