ق*لاہور کو غیر قانونی تعمیرات سے پاک کرنے کیلئے ضلعیب انتظامیہ کا گرینڈ آپریشن

)18 غیر قانونی عمارتوں کو مسمار کر دیا گیا ،13 عمارتوں کو نقشہ منظوری کے بغیر تعمیر کرنے پر موقع پر سیل کیا گیا

جمعرات 14 مئی 2026 04:55

Yلاہور (اُردو پوائنٹ اخبارتازہ ترین - آن لائن۔ 14 مئی2026ء) لاہور (اُردو پوائنٹ اخبارتازہ ترین - آن لائن۔ 14 مئی2026ء) لاہور کو غیر قانونی تعمیرات سے پاک کرنے اور شہر کے حسن کو بحال رکھنے کے لیے ضلعی انتظامیہ کا بڑا ایکشن؛ ڈپٹی کمشنر لاہور کیپٹن (ر) محمد علی اعجاز کی خصوصی ہدایت پر شہر کے چار زونز میں گرینڈ آپریشن کیا گیا ہے۔ اس کارروائی کے دوران درجنوں غیر قانونی اور خطرناک عمارتوں کو مسمار اور سیل کر کے قانون کی بالادستی کو یقینی بنایا گیا ہے تاکہ شہریوں کو ایک محفوظ اور منظم شہری ڈھانچہ میسر آ سکے۔

غیر قانونی تعمیرات کے مکمل خاتمے کے لیے ضلعی انتظامیہ نے شہر گیر کریک ڈاؤن شروع کر دیا ہے۔ میٹروپولیٹن کارپوریشن لاہور کے ٹاؤن پلاننگ ونگ نے ڈپٹی کمشنر لاہور کیپٹن علی اعجاز کی قیادت میں اسلام پورہ، داتا گنج بخش، واہگہ اور راوی زون میں بھرپور کارروائیاں کیں۔

(جاری ہے)

ان آپریشنز کے نتیجے میں مجموعی طور پر 18 غیر قانونی عمارتوں کو مسمار کر دیا گیا ہے جبکہ 13 عمارتوں کو نقشہ منظوری کے بغیر تعمیر کرنے پر موقع پر سیل کیا گیا ہے۔

ڈی سی لاہور نے واضح کیا ہے کہ نقشہ منظوری کے بغیر ہونے والی ہر تعمیر کو فوری سیل کیا جائے گا کیونکہ ایسی عمارتیں نہ صرف شہر کی خوبصورتی کو متاثر کرتی ہیں بلکہ عوامی سلامتی کے لیے بھی خطرہ ہیں۔ انہوں نے شہریوں پر زور دیا ہے کہ وہ قانونی پیچیدگیوں سے بچنے کے لیے منظور شدہ نقشوں کے مطابق ہی تعمیرات کو یقینی بنائیں۔ ضلعی انتظامیہ کا یہ عزم ہے کہ قانون شکن عناصر کے خلاف بلا امتیاز سخت کارروائی جاری رکھی جائے گی تاکہ لاہور کی شہری منصوبہ بندی کے اعلیٰ معیار کو برقرار رکھا جا سکی