الیگزینڈر ببلک اور کیسپر رڈ اے ٹی پی جنیوا اوپن ٹینس مینز سنگلز سیمی فائنل میں پہنچ گئے

ہفتہ 23 مئی 2026 15:16

جنیوا (اُردو پوائنٹ اخبارتازہ ترین - اے پی پی۔ 23 مئی2026ء) امریکا کے ٹینس سٹار اور ایونٹ کے فورتھ سیڈڈ لرنر ٹائین اور ارجنٹائن کے ٹینس کھلاڑی ماریانو نیوون اے ٹی پی جنیوا اوپن ٹینس ٹورنامنٹ میں مردوں کے سنگلز مقابلوں کے فائنل میں پہنچ گئے جبکہ قازقستان کے نامور ٹینس کھلاڑی اور ایونٹ کے سیکنڈ سیڈڈ الیگزینڈر ببلک اور ناروے کے ٹینس کھلاڑی کیسپر رڈ مینز سنگلز سیمی فائنل رائونڈ میں ہارکر ایونٹ سے باہر ہوگئے۔

ای ایس پی این کے مطابق امریکا کے ٹینس سٹار اور ایونٹ کے فورتھ سیڈڈ لرنر ٹائین نے مردوں کے سیمی فائنل میچ میں قازقستان کے نامور ٹینس کھلاڑی اور ایونٹ کے سیکنڈ سیڈڈ الیگزینڈر ببلک کو شکست دے کر فائنل کے لئے کوالیفائی کیاجبکہ ارجنٹائن کے ٹینس کھلاڑی ماریانو نیوون نے دوسرے سیمی فائنل میچ میں ناروے کے کیسپر رڈ کو مات دی ۔

(جاری ہے)

اے ٹی پی ٹینس ٹورنامنٹ کے انتہائی دلچسپ اور کانٹے دار مقابلے سوئٹزرلینڈ کے مشہور شہر جنیوا میں جاری ہیں جس میں شائقین ٹینس کو اچھے مقابلے دیکھنے کو مل رہے ہیں۔

ہفتہ کو اے ٹی پی ایونٹ میں کھیلے گئے مینز سنگلز مقابلوں کے سیمی فائنل رائونڈ میچ میں امریکا کے ٹینس سٹار لرنر ٹائین نے سخت مقابلے کے بعد قازقستان کے نامور ٹینس کھلاڑی اور ایونٹ کے سیکنڈ سیڈڈ الیگزینڈر ببلک کو1-6، 6-4 اور 6-7(5-7)سے شکست دے کر فائنل تک رسائی حاصل کی ۔ ایونٹ کے دوسرے سیمی فائنل میچ میں ارجنٹائن کے ٹینس کھلاڑی ماریانو نیوون نے انتہائی شاندار کارکردگی کا مظاہرہ کرتے ہوئے ناروے کے کیسپر رڈ کو سٹریٹ سیٹس میں 5-7 اور 2-6سے شکست دے کر فائنل کے لئے کوالیفائی کرلیا۔