کراچی ، رکشہ کی ٹکر، موٹرسائیکل پر بیٹھا بچہ پیپلز بس کے نیچے آ کر جاں بحق

جاں بحق ہونے والے 12 سالہ بچے کی لاش جناح اسپتال منتقل کر دی گئی ،شناخت تاحال نہ ہو سکی

ہفتہ 23 مئی 2026 15:23

کراچی ، رکشہ کی ٹکر، موٹرسائیکل پر بیٹھا بچہ پیپلز بس کے نیچے آ کر ..

کراچی (اُردو پوائنٹ اخبارتازہ ترین - این این آئی۔ 23 مئی2026ء) کراچی میں ڈیفنس موڑ کے قریب پیپلز بس کے نیچے آ کر بچہ جاں بحق ہو گیا۔ریسکیو حکام کے مطابق جاں بحق ہونے والے 12 سالہ بچے کی لاش جناح اسپتال منتقل کر دی گئی ہے۔

(جاری ہے)

ابتدائی طور پر جاں بحق ہونے والے بچے کی شناخت نہیں ہو سکی، شناخت کا عمل جاری ہے۔پولیس کے مطابق موٹر سائیکل سوار کی پہلے رکشے سے ٹکر ہوئی، موٹر سائیکل کے پیچھے بیٹھا ہوا لڑکا سڑک پر گرا اور بس کے نیچے آ گیا۔حادثے سے متعلق پولیس کا کہنا ہے کہ بس ڈرائیور کو بس سمیت حراست میں لے لیا گیا ہے، موٹر سائیکل سوار شخص رکشے کا پیچھا کرنے کے لیے گیا تھا جو واپس نہیں آیا۔