کوئٹہ میں عید الاضحیٰ سپیشل ٹرین کے نہتے مسافروں کو ٹارگٹ کرنا بھارتی را اور موساد کی آلہ کار بی ایل اے کی بزدلانہ اور شرمناک کارروائی ہے۔ خواجہ رمیض حسن

بلوچستان پاکستان کا مستقبل، بی ایل اے اور دیگر بیرونی فنڈ سے چلنے والی دہشتگرد تنظیموں کی جانب سے مسلسل غیر انسانی کاروائیاں غیرت مند بلوچوں کی وطن سے محبت کو ہرگز تزلزل کا شکار نہیں کرسکتیں۔ رہنما ق لیگ۔

ذیشان حیدر پیر 25 مئی 2026 16:13

کوئٹہ میں عید الاضحیٰ سپیشل ٹرین کے نہتے مسافروں کو ٹارگٹ کرنا بھارتی ..

لاہور(اُردو پوائنٹ اخبارتازہ ترین۔ 25 مئی2026ء) مسلم لیگ ق کے رہنما خواجہ رمیض حسن نے کوئٹہ میں مسافر ٹرین پر بم دھماکہ سے حملے کی شدید الفاظ میں مذمت کرتے ہوئے کہا کہ پاکستانی قوم بہادر اور ہر طرح کے چیلنجز کا سامنا کرنا کی طاقت رکھتی ہے۔ انہوں نے کہا کہ عید الاضحیٰ سپیشل ٹرین کے نہتے مسافروں کو ٹارگٹ کرنا بھارتی را اور موساد کی آلہ کار بی ایل اے کی بزدلانہ اور شرمناک کارروائی ہے۔

جس میں معصوم بچوں خواتین پر مشتمل مسافروں کو ٹارگٹ کیا گیا۔

(جاری ہے)

عالمی ڈکلیئرڈ دہشت گرد تنظیم بی ایل اے اور خوارج بھارتی اور اسرائیلی فنڈنگ پر نہ صرف بلوچستان بلکہ کے پاکستان کے دیگر علاقوں میں بد امنی کے فروغ اور دہشتگرد کاروائیوں میں مصروف ہے جن کو ناکام بنانے کے لیے ہماری افواج اور قانون نافذ کرنیوالے ادارے دن رات ان سے نبرد آزما ہیں۔ انہوں نے مزید کہا کہ بلوچستان پاکستان کا مستقبل، بی ایل اے اور دیگر بیرونی فنڈڈ دہشتگرد تنظیموں کی جانب سے مسلسل غیر انسانی کاروائیاں غیرت مند بلوچوں کی وطن سے محبت کو ہرگز تزلزل کا شکار نہیں کر سکتیں۔۔