چینی کی حالیہ قیمتیں پیداواری لاگت سے بہت کم ہیں، ذکا اشرف

شوگر انڈسٹری نے کرشنگ سیزن 26-2025 میں مقامی ضرورت سے زیادہ چینی بنائی، چیئر مین پاکستان شوگر ملز ایسوسی ایشن

اتوار 31 مئی 2026 19:20

لاہور (اُردو پوائنٹ اخبارتازہ ترین - این این آئی۔ 31 مئی2026ء) چیئرمین پاکستان شوگر ملز ایسوسی ایشن ذکا اشرف نے کہا ہے کہ چینی کی حالیہ قیمتیں اس کی پیداواری لاگت سے بہت کم ہیں۔جاری بیان کے مطابق ذکا اشرف نے نائب وزیراعظم سینیٹر اسحاق ڈار کو مراسلہ ارسال کیا ہے، جس میں اضافی چینی برآمد کے بارے میں کابینہ کمیٹی کی تشکیل کا خیر مقدم کیا ہے۔

(جاری ہے)

ذکا اشریف نے کہا کہ ملکی ضروریات سے زائد چینی کو برآمد کیا جائے، شوگر انڈسٹری نے کرشنگ سیزن 26-2025 میں مقامی ضرورت سے زیادہ چینی بنائی۔انہوں نے کہا کہ ایک ماہ کے اسٹریٹجک ذخائر رکھنے کے بعد بھی ساڑھے 7 لاکھ ٹن چینی سرپلس موجود ہوگی، اضافی چینی کی برآمد سے پاکستان تقریبا 500 ملین امریکی ڈالر کا زرمبادلہ کما سکتا ہے۔ذکا اشرف نے کہا کہ چینی کی حالیہ قیمتیں اس کی پیداواری لاگت سے بہت کم ہیں، حکومت سے درخواست ہے کہ کابینہ کمیٹی کا اجلاس جلد بلایا جائے۔انہوںنے کہاکہ شوگر ملز ایسوسی ایشن کے وفد کو اجلاس میں شرکت کی اجازت دی جائے۔