وزیراعظم یوتھ پروگرام اور پاکستان مکسڈ مارشل آرٹس فیڈریشن کے درمیان تاریخی لیٹر آف انٹینٹ پر دستخط

حکومت نوجوانوں کو آگے بڑھنے اور اپنی صلاحیتوں کے اظہار کے لیے بھرپور مواقع فراہم کر رہی ہے،رانا مشہود

منگل 9 جون 2026 19:15

اسلام آباد (اُردو پوائنٹ اخبارتازہ ترین - این این آئی۔ 09 جون2026ء) وزیراعظم یوتھ پروگرام اور پاکستان مکسڈ مارشل آرٹس فیڈریشن کے درمیان تاریخی لیٹر آف انٹینٹ (LOI) پر دستخط کر دیئے گئے ۔رانا مشہود احمد خاں نے اپنے بیان میں کہاکہ حکومت نوجوانوں کو آگے بڑھنے اور اپنی صلاحیتوں کے اظہار کے لیے بھرپور مواقع فراہم کر رہی ہے۔ انہوںنے کہاکہ حکومت نوجوانوں کو کھیلوں کے ذریعے بااختیار بنانے کے لیے پرعزم ہے، مکسڈ مارشل آرٹس جیسے کھیل نوجوانوں میں نظم و ضبط، اعتماد اور قیادت کی صلاحیتیں پیدا کرنے میں اہم کردار ادا کر سکتے ہیں۔

انہوںنے کہاکہ نوجوانوں کو مثبت کھیلوں کی سرگرمیوں میں شامل کرنا ان کی ترقی میں مدد دیتا ہے۔ رانامشہود نے کہاکہ یہ تعاون ملک کے کھیلوں کے نظام کو نچلی سطح پر مزید مضبوط بنائے گا، ایسے اقدامات پاکستانی کھلاڑیوں کے لیے بین الاقوامی سطح پر نمائندگی کے نئے دروازے کھولیں گے۔

(جاری ہے)

انہوںنے کہاکہ نوجوانوں کو بااختیار بنانا ایک صحت مند اور ترقی یافتہ معاشرے کی بنیاد ہے۔

صدر بابر قیوم راجہ پی ایم ایم اے ایف نے کہاکہ نوجوانوں کو مکسڈ مارشل آرٹس میں تربیت اور ترقی کے مواقع فراہم کرنے کیلئے پرعزم ہے۔ رانا مشہود خان نے کہاکہ حکومت ملک بھر میں ٹیلنٹ کی تلاش اور ہنر کی ترقی کیلئے پرعزم ہے، کھیلوں کے اداروں کے ساتھ شراکت داری سے نوجوانوں میں فٹنس، نظم و ضبط اور قومی جذبے کو فروغ ملے گا۔ اہوںنے کہاکہ حکومت پاکستان اور وزیر اعظم یوتھ پروگرام آپ کے ساتھ ہے، چیئرمین رانا مشہود احمد خاں