وزیرتعلیم کا تمام غیر رجسٹرڈ اکیڈمیاں بند کرنے کا اعلان

سکولوں اور اکیڈمیز کو فٹنس سرٹیفکیٹ لینا ہوگا ورنہ سیل ہوں گے، صوبائی وزیر تعلیم پنجاب والدین غیر رجسٹرڈ بلڈنگز میں اپنے بچوں کو پڑھنے کیلئے مت بھیجیں، رانا سکندر حیات

جمعہ 3 جولائی 2026 18:24

وزیرتعلیم کا تمام غیر رجسٹرڈ اکیڈمیاں بند کرنے کا اعلان

لاہور (اُردو پوائنٹ اخبارتازہ ترین - آن لائن۔ 03 جولائی2026ء) وزیر تعلیم نے سانحہ باغبانپورہ کے مقام کا دورہ کیا جہاں انہوں نے لینٹر گرنے والی عمارت کا جائزہ لیا اور لینٹر گرنے سے مرنے والے بجے کے گھر جا کر فاتحہ خوانی کی۔ وہ متاٹرہ بچے کو سب سے پہلے نکالنے والے ستھرا پنجاب ورکرز سے بھی ملے اور ان کی حوصلہ افزائی کرتے ہوئے تعریفی سند جاری کرنے کا اعلان کیا۔

رانا سکندر حیات سے ہلاک ہونے والے بچے کے والد نے اپنے بچے کی یادیں تازہ کیں، جنہیں سن کر وزیر تعلیم خود بھی آبدیدہ ہو گئے۔ اس موقع پر وزیر تعلیم کا کہنا تھا کہ کاہنہ اور باغبانپورہ واقعات پر دل رنجیدہ ہے۔ 15 دن پہلے اسسٹنٹ ایجوکیشن آفیسر نے اس سکول کا وزٹ کیا اور فٹنس سرٹیفکیٹ ڈیمانڈ کیا جس پر بتایا گیا کہ مالکن حج پر ہے۔

(جاری ہے)

وزیر تعلیم نے کہا کہ سکول کی ایکسٹینشن کیلئے این او سی لیا گیا اور نہ ہی فٹنس سرٹیفکیٹ۔

انہوں نے کہا کہ آج سے لاہور میں 760 کے قریب غیر رجسٹرڈ اکیڈمیاں بند کر رہے ہیں۔ تمام اکیڈمیاں ستمبر سے قبل فٹنس سرٹیفکیٹ حاصل کریں گی، ورنہ نہیں کھلیں گی۔ وزیر تعلیم نے مزید کہا کہ بچوں کی حفاظت سب سے پہلے ہے۔ اب فٹنس سرٹیفکیٹ حاصل کرنے والی اکیڈمیاں ہی کھلیں گی۔ انہوں نے والدین سے بھی اپیل کی کہ وہ غیر رجسٹرڈ بلڈنگز میں اپنے بچوں کو پڑھنے کیلئے مت بھیجیں۔ رانا سکندر حیات نے کہا کہ تمام اکیڈمیاں متعلقہ تمام محکموں سے سرٹیفکیٹ لیں۔ ان کا کہنا تھا کہ سکولوں، اکیڈمیوں کی رجسٹریشن کو سٹریم لائن کریں گے تاہم سوسائٹی کا بھی فرض ہے کہ غیر رجسٹرڈ سکولوں اور اکیڈمیوں کے حوالے سے محکمہ کو آگاہ کریں۔

Facebook Twitter Google + Share on Whatsapp

وزیرتعلیم کا تمام غیر رجسٹرڈ اکیڈمیاں بند کرنے کا اعلان

متعلقہ عنوان :

مزید اہم خبریں