Live Updates

فیلڈ مارشل سید عاصم منیر کی ایرانی وزیر خارجہ عباس عراقچی سے ملاقات

فیلڈ مارشل نے شہید سپریم لیڈر آیت اللہ خامنہ ای کی آخری رسومات میں شرکت کی اور ایران کیلئے ان کی خدمات پر خراج عقیدت پیش کیا

Sanaullah Nagra ثنااللہ ناگرہ جمعہ 3 جولائی 2026 20:17

فیلڈ مارشل سید عاصم منیر کی ایرانی وزیر خارجہ عباس عراقچی سے ملاقات
تہران (اردوپوائنٹ اخبار تازہ ترین۔ انٹرنیشنل پریس ایجنسی۔ 03 جولائی 2026ء ) فیلڈ مارشل سید عاصم منیر کی ایرانی وزیر خارجہ عباس عراقچی سے ملاقات کرکے شہید سپریم لیڈر آیت اللہ خامنہ ای کی ایران کیلئے خدمات پر خراج عقیدت پیش کیا۔ تفصیلات کے مطابق چیف آف ڈیفنس فورسز و آرمی چیف فیلڈ مارشل سید عاصم منیر نے ایران کے وزیر خارجہ عباس عراقچی سے تہران میں ملاقات کی ہے۔

ملاقات کے دوران فیلڈ مارشل سید عاصم منیر نے شہید آیت اللہ علی خامنہ ای کی ایران کیلئے خدمات کو خراج عقیدت پیش کیا۔فیلڈ مارشل سید عاصم منیر ایران کے رہبر اعلیٰ شہید آیت اللہ علی خامنہ ای کی آخری رسومات میں شرکت کیلئے تہران میں موجود ہیں۔ میڈیا رپورٹس کے مطابق فیلڈ مارشل سید عاصم منیر جمعہ کو تہران پہنچے، جہاں ایرانی حکام نے ان کا خیرمقدم کیا۔

(جاری ہے)

وہ آیت اللہ علی خامنہ ای کی تدفینی تقریب میں پاکستان کی مسلح افواج کی نمائندگی کریں گے۔ وزیر اعظم شہباز شریف بھی اعلیٰ سطحی پاکستانی وفد کے ہمراہ ایران پہنچے ہیں، جبکہ پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری بھی آخری رسومات میں شرکت کریں گے۔ ایران کے شہید سپریم لیڈر آیت اللہ سید علی حسینی خامنہ ای کی نماز جنازہ کیلئے انتظامات کی تیاریاں تیزی سے جاری ہیں۔

شہید آیت اللہ علی خامنہ ای کی میت گرینڈ مصلیٰ پہنچا دی گئی ہے،اس موقع پر سیکیورٹی کے غیر معمولی انتظامات کیے گئے ہیں۔ آیت اللہ علی خامنہ ای کی نماز جنازہ کل تہران میں ادا کی جائے گی جس کے بعد ان کا جسد خاکی تہران سے قم پھرنجف اورکربلا لے جایا جائے گا۔ پھر میت واپس ایران لا کر آیت اللہ علی خامنہ ای کو مشہد میں سپردِ خاک کیا جائے گا ،جلوس جنازہ میں ایک کروڑ سے زائد افراد کی شرکت متوقع ہے۔آخری رسومات کے موقع پر 6 جولائی کو ملک بھر میں عام تعطیل ہوگی،8 جولائی کو ملک بھر میں یومِ سوگ بھی منایا جائے گا۔
Live ایران امریکا کشیدگی سے متعلق تازہ ترین معلومات