یمن کی بندر گاہ حدیدہ کے قریب مال بردار جہاز پر حملے کی اطلاع

واقعہ بندرگاہ حدیدہ کے جنوب مغرب میں تقریبا 30 ناٹیکل میل دور پیش آیا،میری ٹائم ٹریڈ آپریشنز

اتوار 5 جولائی 2026 16:20

لندن(اُردو پوائنٹ اخبارتازہ ترین - این این آئی۔ 05 جولائی2026ء) برطانوی میری ٹائم ٹریڈ آپریشنز کی جانب سے کہا گیا ہے کہ یمن کی بندر گاہ حدیدہ کے قریب مال بردار جہاز پر حملے کی اطلاع موصول ہوئی ہے۔

(جاری ہے)

میری ٹائم ٹریڈ آپریشنز کا کہنا تھا کہ واقعہ بندرگاہ حدیدہ کے جنوب مغرب میں تقریبا 30 ناٹیکل میل دور پیش آیا۔یو کے ایم ٹی او نے کہا کہ ایک مال بردار جہاز نے ہنگامی سگنل جاری کرتے ہوئے حملے کی اطلاع دی، متعلقہ حکام واقعے کی تحقیقات کر رہے ہیں۔برطانوی میری ٹائم ٹریڈ آپریشنز کا کہنا تھا کہ جہازوں کو احتیاط برتنے اور کسی بھی مشکوک سرگرمی کی فوری اطلاع دینے کی ہدایت کی گئی ہے۔