وینزویلا میں زلزلوں سے ہلاکتوں کی تعداد 4,561 ہو گئی

منگل 14 جولائی 2026 17:45

کراکس (اُردو پوائنٹ اخبارتازہ ترین - این این آئی۔ 14 جولائی2026ء) وینزویلا میں 24 جون کو آنے والے دو طاقتور زلزلوں کے نتیجے میں ہلاک ہونے والوں کی تعداد بڑھ کر 4,561 ہو گئی ہے، جبکہ 16,740 افراد زخمی ہوئے ۔

(جاری ہے)

غیرملکی خبررساں ادارے کے مطابق قومی اسمبلی کے صدر خورخے روڈریگیز نے سماجی رابطے کی ویب سائٹ پر جاری بیان میں بتایا کہ متاثرین کی امداد کے لیے 107 عارضی پناہ گاہیں قائم کی گئی ہیں، جہاں اس وقت 20,231 افراد مقیم ہیں۔

انہوں نے کہا کہ 17,907 افراد اب بھی بے گھر ہیں، جبکہ زلزلوں کے باعث 856 عمارتوں کو نقصان پہنچا ہے۔حکام کے مطابق امدادی سرگرمیوں میں 30,989 وینزویلا کے اہلکار، 30,692 رضاکار اور 2,471 بین الاقوامی امدادی کارکن حصہ لے رہے ہیں۔24 جون کو وینزویلا میں 7.2 اور 7.5 شدت کے دو زلزلے آنے کے بعد اب تک 1,254 آفٹر شاکس(بعد از زلزلہ جھٹکی)ریکارڈ کیے جا چکے ہیں۔