اے این ایف کا منشیات اسمگلنگ کیخلاف کریک ڈائون جاری ،9 ملزمان گرفتار

پیر 6 جولائی 2026 16:49

لاہور (اُردو پوائنٹ اخبارتازہ ترین - این این آئی۔ 06 جولائی2026ء) اینٹی نارکوٹکس فورس کی جانب سے ملک کے مختلف شہروں میں منشیات اسمگلنگ کے خلاف کریک ڈائون جاری ہے ، 8کاروائیوں کے دوران 9 ملزمان گرفتار کر کے 1کروڑ 42لاکھ روپے سے زائد مالیت کی 55.406کلو گرام منشیات برآمد کر لی گئی ۔

(جاری ہے)

ترجمان اے این ایف کے مطابق اسلام آباد ایئرپورٹ پر جدہ جانے والے مسافر کے بیگ سے 456 گرام چرس برآمد ، کراچی ائیرپورٹ پر واقع کورئیر آفس میں جدہ جانے والے پارسل میں موجود 50تھیلیوں میں چھپائی گئی 1.750کلو گرام گراس آئس برآمد ، سنگجانی ٹول پلازہ اسلام آباد کے قریب گاڑی سے 13.2 کلو گرام چرس برآمد کر کے ملزم گرفتار ،دمہ پھاٹک اسلام آباد کے قریب ملزم کے قبضے سے 6کلو گرام چرس برآمد ، انڈس ہائی وے کوہاٹ کے قریب گاڑی سے 8کلو گرام ہیروئن برآمد کر کے ملزم گرفتار ، بحریہ ٹائون راولپنڈی کے قریب گاڑی سے 7.2کلو گرام چرس برآمد کر کے 3ملزمان گرفتار ، بہاولپور روڈ ڈسٹرکٹ سرگودھا کے قریب موٹر سائیکل سوار ملزم سے 6کلو گرام چرس برآمد ، ریس کورس گرائونڈ کراچی کے قریب ملزم کے قبضے سے 4.8کلو گرام چرس برآمد کی گئی ۔