مختلف ممالک میں غیرقانونی افغان باشندوں کیخلاف کریک ڈاؤن جاری

جمعرات 9 جولائی 2026 15:51

اسلام آباد (اُردو پوائنٹ اخبارتازہ ترین - اے پی پی۔ 09 جولائی2026ء) مختلف ممالک میں غیرقانونی افغان باشندوں کے خلاف کریک ڈاؤن جاری ہے، ترکیہ میں گرفتاریوں کی نئی لہر شروع ہوگئی ہے۔تفصیلات کے مطابق یورپ میں افغان باشندوں کی انسانی اسمگلنگ بڑے سکیورٹی چیلنج کی صورت میں سامنے آگئی۔افغان جریدہ افغان انٹرنیشنل کے مطابق ترک حکام نےغیرقانونی طورپرترکیہ سےیورپ جانےکی کوشش پر24افغان باشندوں کو گرفتارکرلیا۔

ترکیہ کےشہر ادرنہ میں گرفتارہونےوالےافغان باشندوں میں 7خواتین اور6بچے بھی شامل ہیں،ترک پولیس نے افغان شہریوں کو غیر قانونی طریقے سےمنتقل کرنے پر بس ڈرائیور کو بھی گرفتار کر لیا۔

(جاری ہے)

ترک مائیگریشن ایجنسی کے مطابق رواں سال کے پہلے 5ماہ کے دوران 16ہزار436 افغان باشندوں کورہائشی کارڈ نہ ہونے کے باعث حراست میں لیا گیا،2روز قبل پولینڈ حکام نے بھی غیرقانونی طورپرملک میں داخل ہونے والے15افغان باشندوں کو گرفتارکیاتھا،برطانوی نشریاتی ادارہ طالبان رجیم کی سخت گیرپالیسیوں اورانتقامی کارروائیوں کوافغان باشندوں کی غیرقانونی نقل مکانی کا ذمہ دار قراردےچکا ہے،افغان باشندوں کی حالیہ گرفتاریاں اس بات کاعکاس ہیں کہ دنیا کے مختلف ممالک ان کی غیرقانونی موجودگی کو مزید برداشت کرنےکیلئےتیار نہیں۔