وزیراعلی پنجاب کی ہدایت پرسرگودھا میں ہسپتال سے مفت میت کی گھر منتقلی سروس کا آغاز

منگل 14 جولائی 2026 17:01

سرگودھا(اُردو پوائنٹ اخبارتازہ ترین - این این آئی۔ 14 جولائی2026ء) وزیراعلی پنجاب مریم نواز کی ہدایت پرسرگودھا میں ہسپتال سے مفت میت کی گھر منتقلی سروس کا آغاز کر دیا گیا۔

(جاری ہے)

جس کا افتتاح کمشنر اور نے ریسکیو دفتر میں کیا اور کہا کہ وزیراعلی پنجاب مریم نواز شریف عوامی خدمت کو اولین ترجیح دیتے ہوئے جو فلاحی منصوبے متعارف کروا رہی ہیں یہ مفت میت منتقلی سروس اسی کا حصہ ہے، جس کے ذریعے سرکاری ہسپتالوں سے میت کو لواحقین کے گھر تک بلا معاوضہ منتقل کیا جائے گا۔

انہوں نے کہا کہ کسی بھی خاندان کے لیے عزیز کی وفات ایک انتہائی کٹھن مرحلہ ہوتا ہے۔ ایسے موقع پر مفت میت منتقلی کی سہولت متاثرہ خاندانوں کے لیے معاون ثابت ہوگی۔ اس موقع پر انچارج 1122 مظہر شاہ نے بتایا گیا کہ مفت میت سروس چوبیس گھنٹے ہوگی اور سرکاری ہسپتال سے میت کو گھر تک مکمل احترام اور پیشہ ورانہ انداز میں منتقل کیا جائے گا۔