ڈاکٹر آصف محمود امریکی کمیشن برائے عالمی مذہبی آزادی کے چیئرمین منتخب

منگل 21 جولائی 2026 23:08

واشنگٹن (اُردو پوائنٹ اخبارتازہ ترین - آن لائن۔ 21 جولائی2026ء) پاکستانی امریکن ڈاکٹر آصف محمود امریکی کمیشن برائے عالمی مذہبی آزادی کے متفقہ چیئرمین منتخب کرلیے گئے ہیں۔ تاریخ میں پہلی بار جنوب ایشیائی امریکن کو یو ایس سی آئی آر ایف کا چیئرمین منتخب کیا گیا ہے۔ ڈاکٹر آصف محمود یو ایس سی آئی آر ایف کے وائس چیئرمین تھے۔ امریکا کا عالمی مذہبی آزادی کمیشن ادارہ خارجہ پالیسی سازی میں معاونت کرتا ہے اور ڈاکٹر آصف سے پہلے کمیشن کی چیئرمین وکی ہرٹزلر تیرہ برس تک رکن کانگریس رہی تھیں۔

(جاری ہے)

امریکن پاکستانی ڈاکٹر آصف کا یو ایس سی آئی آر ایف کا چیئرمین بننا بھارت کے لیے دھچکہ ہے۔ ڈاکٹر آصف مذہبی آزادی کی پامالی پر بھارت کو انتہائی تشویش کا حامل ملک قرار دلانا چاہتے ہیں۔یو ایس سی آئی آر ایف کمیشن کا مطالبہ ہے کہ بھارت کی خفیہ ایجنسی را پر پابندیاں لگائی جائیں۔ کمیشن کا مطالبہ ہے کہ امریکی تجارتی پالیسی بھارت میں مذہبی آزادی سے مشروط کی جائے۔واضح رہے کہ ڈیموکریٹک لیڈر ڈاکٹر آصف محمود کا تعلق کھاریاں سے ہے اور وہ کیلیفورنیا سے کانگریس کا الیکشن لڑچکے ہیں۔