ماتلی میں نان کسٹم پیڈ سگریٹ کے خلاف کارروائی، 150 پیکٹ ضبط

بدھ 5 اگست 2026 21:30

ماتلی (اُردو پوائنٹ اخبارتازہ ترین - این این آئی۔ 05 اگست2026ء) ماتلی شہر میں نان کسٹم پیڈ اور نان فیڈرل ایکسائز و سیلز ٹیکس پیڈ سگریٹ کی کھلے عام فروخت کی اطلاعات کے بعد ضلعی انتظامیہ نے کارروائیاں تیز کر دیں۔

(جاری ہے)

اس سلسلے میں اسسٹنٹ کمشنر ماتلی ڈاکٹر راشد چنا نے مختیارکار ماتلی معصب جونیجو اور اپنی ٹیم کے ہمراہ شہر کی مرکزی مارکیٹ میں ایک دکان پر چھاپہ مارا، جہاں سے نان کسٹم پیڈ اور نان فیڈرل ایکسائز و سیلز ٹیکس پیڈ سگریٹ کے 150 پیکٹ ضبط کر لیے گئے۔

انتظامیہ کے مطابق ضبط شدہ سگریٹ سرکاری تحویل میں لے کر متعلقہ قوانین کے تحت قانونی کارروائی کا آغاز کر دیا گیا ہے۔ چھاپہ مار ٹیم کا کہنا تھا کہ یہ سگریٹ کسٹم، فیڈرل ایکسائز اور ٹیکس قوانین کی خلاف ورزی کرتے ہوئے فروخت کیے جا رہے تھے۔ضلعی انتظامیہ نے واضح کیا ہے کہ غیر قانونی، نان کسٹم پیڈ اور نان ٹیکس پیڈ اشیائ کی خرید و فروخت میں ملوث عناصر کے خلاف کریک ڈاؤن آئندہ بھی جاری رکھا جائے گا۔

Facebook Twitter Google + Share on Whatsapp

ماتلی میں نان کسٹم پیڈ سگریٹ کے خلاف کارروائی، 150 پیکٹ ضبط

متعلقہ عنوان :

مزید قومی خبریں