سی سی پی او بلال صدیق کمیانہ کی زیر صدارت اقبال ٹاﺅن، صدر ڈویژنز کی کارکردگی کا جائزہ اجلاس

سود خوروں کے خلاف گرینڈ آپریشن کا حکم، زیرو ٹالرنس پالیسی پر عملدرآمد یقینی بنایا جائے. سی سی پی اولاہور

میاں محمد ندیم منگل 11 اگست 2026 14:13

سی سی پی او بلال صدیق کمیانہ کی زیر صدارت اقبال ٹاﺅن، صدر ڈویژنز کی ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) سی سی پی او لاہور بلال صدیق کمیانہ نے کہا ہے کہ سود خوری کے متاثرین کو فوری انصاف اور مکمل قانونی تحفظ فراہم کیا جائے گا انہوں نے یہ بات اقبال ٹاﺅن اور صدر ڈویژنز کی کارکردگی کا جائزہ لینے کے لیے منعقدہ اجلاس کی صدارت کرتے ہوئے کہی سی سی پی او لاہور نے سود خوروں کے خلاف گرینڈ آپریشن کا حکم دیتے ہوئے کہا کہ سود خوری کے خلاف زیرو ٹالرنس پالیسی پر سختی سے عملدرآمد کیا جائے گا اور وہ اس مہم کی خود نگرانی کریں گے.

(جاری ہے)

بلال صدیق کمیانہ نے ہدایت کی کہ سود خوروں کے خلاف کارروائیوں کو نتیجہ خیز بنایا جائے جبکہ متاثرین کی شکایات پر فوری قانونی کارروائی عمل میں لائی جائے انہوں نے کہا کہ سود خوری ایک سنگین معاشرتی برائی ہے، شہری بلاخوف و خطر سود خوروں کے خلاف پولیس کو اطلاع دیں، متاثرین کو ہر ممکن قانونی معاونت اور تحفظ فراہم کیا جائے گا. سی سی پی او لاہور نے اجلاس میں 14 اگست یومِ آزادی کے موقع پر فول پروف سکیورٹی انتظامات یقینی بنانے کی بھی ہدایت کی انہوں نے کہا کہ یومِ آزادی کے موقع پر ون ویلنگ، ہوائی فائرنگ اور دیگر قانون شکن سرگرمیاں برداشت نہیں کی جائیں گی.