شرجیل میمن کے خلاف ہتک آمیز اور جھوٹا مواد پھیلانے کے الزام میں این سی سی آئی اے کے طلبی کے نوٹس جاری

بلال بن نصراللہ اورکراچی کے رہائشی عبید قریشی کو سائبر کرائم ایجنسی نے ذاتی حیثیت میں طلب کیا ہے ‘دونوں افراد کو سوشل میڈیا اکاﺅنٹس پر مبینہ طور پر ہتک آمیز اور جھوٹا مواد پھیلانے کے معاملے میں وضاحت کےلئے طلب کیا گیا ہے. رپورٹ

میاں محمد ندیم منگل 11 اگست 2026 14:49

شرجیل میمن کے خلاف ہتک آمیز اور جھوٹا مواد پھیلانے کے الزام میں این ..

کراچی(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) نیشنل سائبر کرائم انویسٹی گیشن ایجنسی (این سی سی آئی اے )نے سینئر صوبائی وزیرشرجیل میمن کے خلاف سوشل میڈیا پر ہتک آمیز اور مبینہ جھوٹا مواد شیئر کرنے کے معاملے میں بلال بن نصر اللہ کو طلب کرلیا. رپورٹ کے مطابق کراچی کے رہائشی عبید قریشی کو بھی سائبر کرائم ایجنسی نے ذاتی حیثیت میں طلب کیا ہے دونوں افراد کو سوشل میڈیا اکاﺅنٹس پر مبینہ طور پر ہتک آمیز اور جھوٹا مواد پھیلانے کے معاملے میں وضاحت کےلئے طلب کیا گیا ہے.

(جاری ہے)

ذرائع کا کہنا ہے کہ سوشل میڈیا پر شرجیل میمن سے متعلق مبینہ جھوٹا اور ہتک آمیز مواد نشر کیے جانے پر صوبائی وزیر کے وکیل کی جانب سے این سی سی آئی اے میں درخواست دی گئی تھی درخواست کی بنیاد پر سائبر کرائم ایجنسی کی جانب سے معاملے کی تحقیقات کی جارہی ہیں جبکہ سوشل میڈیا اکاﺅ نٹس پر مبینہ طور پر جھوٹا اور ہتک آمیز مواد پھیلانے والے دیگر افراد کی بھی تلاش جاری ہے این سی سی آئی اے حکام کے مطابق تحقیقات کے دوران سامنے آنے والے شواہد کی روشنی میں مزید کارروائی کا فیصلہ کیا جائے گا.