صوبائی وزیر و چیئرمین کابینہ کمیٹی ڈیزاسٹر مینجمنٹ کا ایمرجنسی سنٹرکا دورہ

مون سون سیزن و دریاﺅں میں پانی کے بہاﺅ کو مسلسل مانیٹر کیا جا رہا ہے. خواجہ سلمان رفیق

میاں محمد ندیم منگل 11 اگست 2026 14:16

صوبائی وزیر و چیئرمین کابینہ کمیٹی ڈیزاسٹر مینجمنٹ کا ایمرجنسی سنٹرکا ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔11 اگست ۔2026 ) صوبائی وزیر و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے پی ڈی ایم اے ہیڈ آفس میں صوبائی ایمرجنسی سنٹرکا دورہ کیا اس موقع پر ڈائریکٹر پی ڈی ایم اے عبد الحمید ملک و دیگر افسران نے صوبائی وزیر کو مون سون سیزن و دریاﺅں میں پانی کے بہاﺅسے متعلق تازہ معلومات فراہم کیں. صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے کہاکہ وزیر اعلی پنجاب کے ویژن کے تحت پنجاب کو سیلاب سے محفوظ بنانے کیلئے تمام تر اقدامات کئے جارہے ہیں دریاﺅں میں پانی کا بہاﺅ معمول کے مطابق ہے محکمہ صحت، ریسکیو، لائیو سٹاک و دیگر محکمہ جات فیلڈ میں پوری طرح متحرک ہیں. خواجہ سلمان رفیق نے کہاکہ فلڈ ریلیف کیمپس، ریسکیو مشینری، کشتیاں، عملہ اور انخلاءکے منصوبوں کو حساس علاقوں کے مطابق فعال رکھا گیا ہے انتظامیہ ہنگامی حالات سے نمٹنے کیلئے پوری طرح تیار ہے ریسکیو کو اربوں روپوں کی لاگت کے جدید آلات سے آراستہ کر دیا گیا ہے. صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے کہاکہ پری ڈیزاسٹر اور پوسٹ ڈیزاسٹر میکانزم کو موثر بنایا جا رہا ہے اقدامات سیلاب اور آبی خطرات سے بچاﺅکے لئے موثر ثابت ہوں گے گزشتہ سال کی نسبت پی ڈی ایم اے کی رواں سال تیاریاں بہت بہتر ہیں۔

(جاری ہے)