سونمرگ، مٹی کا تودہ گرنے سے سرینگر۔لہہ ہائی وے پرٹریفک معطل

جمعہ 14 اگست 2026 13:42

سرینگر (اُردو پوائنٹ اخبارتازہ ترین - اے پی پی۔ 14 اگست2026ء) غیر قانونی طور پر بھارت کے زیر قبضہ جموں و کشمیر کے سیاحتی مقام سونمرگ کے قریب سرینگر۔لہہ ہائی وے پرشدید بارش کے باعث رنکا موڑ کے مقام پر مٹی کا بڑا تودہ گرنے سے شاہراہ ٹریفک کیلئے بند ہوگئی ہے۔

(جاری ہے)

کشمیر میڈیا سروس کے مطابق مٹی کے تودے کے باعث دریا میں پانی کی سطح بھی نمایاں طور پر بلند ہوگئی جبکہ سربل روڈ بھی متاثر ہوئی ہے۔قابض حکام نے سڑک پردونوں اطراف گاڑیوں کی آمدورفت معطل کردی ہے اور لوگوں کو دریا کے کناروں اور نالوں کے قریب جانے سے گریز کرنے کی ہدایت کی ہے۔