بہار کے اسکول میں ڈٹرجنٹ پائوڈر ملا کھانا کھانے سے 40طلبہ کی طبیعت خراب

مقامی حکام نے واقعے سے متعلق مزید تفصیلات اکٹھی کر کے تفتیش کا آغاز کر دیا ،بھارتی میڈیا

بدھ 19 اگست 2026 18:50

پٹنہ (اُردو پوائنٹ اخبارتازہ ترین - این این آئی۔ 19 اگست2026ء) بھارت کی ریاست بہار کے اسکول میں دن کا کھانا کھانے سے 40 طلبہ کی طبیعت خراب ہو گئی۔بھارتی میڈیا کے مطابق طلبہ کو اسکول کے مڈ ڈے میل میں نمک کے بجائے غلطی سے ڈٹرجنٹ پائوڈر دے دیا گیا۔

(جاری ہے)

اسکول ٹیچر کے مطابق مڈ ڈے میل دوسرے اسکول سے فراہم کیا گیا تھا، سبزی میں نمک کم ہونے کی شکایت پر طلبہ کو غلطی سے ڈٹرجنٹ پائوڈر دے دیا گیا۔بھارتی میڈیا کے مطابق کھانا کھانے کے بعد پیٹ میں درد اور الٹی کی شکایت پر طلبہ کو اسپتال منتقل کر دیا گیا۔مقامی حکام نے واقعے سے متعلق مزید تفصیلات اکٹھی کر کے تفتیش کا آغاز کر دیا ۔