Live Updates

پابندیاں اور دبا ئومسائل کے حل میں مدد گار ثابت نہیں ہوتے،چینی وزارت خارجہ کا ایران کے تجارتی شراکت داروں پر ثانوی پابندیاں عائد کرنے کی امریکی دھمکی پر ردعمل

پیر 24 اگست 2026 18:34

بیجنگ (اُردو پوائنٹ اخبارتازہ ترین - این این آئی۔ 24 اگست2026ء) چینی وزارت خارجہ کے ترجمان لِین جیئن نے یومیہ پریس کانفرنس میں امریکی وزیر خزانہ کی جانب سے ایران کے ساتھ تجارت یا کاروبار کرنے والے ممالک پر ثانوی پابندیاں عائد کرنے کی حالیہ دھمکی پر تبصرہ کیا۔

(جاری ہے)

لِین جیئن نے کہا کہ پابندیاں اور دبا مسائل کے حل میں مدد گار ثابت نہیں ہوتے بلکہ کشیدگی مزید بڑھاتے ہیں، جو کسی بھی فریق کے مفاد میں نہیں۔

چین تمام فریقوں پر زور دیتا ہے کہ وہ صبر و تحمل سے کام لیتے ہوئے کشیدگی کو مزید بڑھانے اور عالمی اقتصادی ترقی اور مالیاتی استحکام کو متاثر کرنے والے اقدامات سے گریز کریں اور جلد از جلد مذاکرات اور سیاسی تصفیے کی درست راہ پر واپس آئیں۔ ترجمان نے کہا کہ چین متعلقہ صورتحال کا باریک بینی سے مشاہدہ کریگا اور اپنے جائز حقوق و مفادات کے تحفظ کے لیے ضروری اقدامات کرے گا۔