پمز کی نرسری میں 40 سے 50 بچے موجود تھے، ڈاکٹر شازیہ ثوبیہ سومرو کا دعویٰ

15 بچوں کی تو صرف شناخت ہوئی ہے، جبکہ پمز ہسپتال کی نرسری میں موجود دیگر بچوں کے بارے میں بھی بات ہونی چاہیے، ٹی وی پروگرام میں گفتگو

فیضان ہاشمی جمعہ 28 اگست 2026 11:53

پمز کی نرسری میں 40 سے 50 بچے موجود تھے، ڈاکٹر شازیہ ثوبیہ سومرو کا دعویٰ

اسلام آباد (اُردو پوائنٹ اخبارتازہ ترین۔ 28 اگست2026ء) قومی اسمبلی کی قائمہ کمیٹی برائے صحت کی رکن ڈاکٹر شازیہ ثوبیہ سومرو نے کہا ہے کہ کل سے یہ سننے میں آ رہا ہے کہ پمز ہسپتال میں 15 بچے تھے، تاہم وہاں جا کر معلوم ہوا کہ پمز ہسپتال کی نرسری میں 40 سے 50 سے بھی اوپر بچے تھے، لیکن ان کے لیے کوئی آواز نہیں اٹھا رہا۔

(جاری ہے)

نجی ٹی وی کے پروگرم میں گفگتگو کرتے ہوئے ڈاکٹر شازیہ ثوبیہ سومرو نے کہا کہ 15 بچوں کی تو صرف شناخت ہوئی ہے، جبکہ پمز ہسپتال کی نرسری میں موجود دیگر بچوں کے بارے میں بھی بات ہونی چاہیے۔

انہوں نے کہا کہ نرسری میں موجود بچوں کی تعداد کے حوالے سے جو بات سامنے آ رہی ہے، وہ انتہائی تشویش کی بات ہے۔

کل سے ہم سن رہے ہیں کہ پمز میں 15 بچے تھے لیکن وہاں جا کر ہمیں پتہ چلا کہ پمز ہسپتال کی نرسری میں 40/50 سے بھی اوپر بچے تھے ان کے لیے کوئی آواز نہیں اٹھا رہا 15 بچوں کی تو صرف شناخت ہوئی ہے ! ڈاکٹر شازیہ سومرو ۔۔ pic.twitter.com/ZCYeMME1zI
— AMJAD KHAN (@iAmjadKhann) August 27, 2026

ان کا کہنا تھا کہ صرف ان 15 بچوں تک معاملے کو محدود نہیں کرنا چاہیے جن کی شناخت ہوئی ہے بلکہ دیگر بچوں اور ان کے والدین کی صورتحال بھی سامنے لانی چاہیے۔ ڈاکٹر شازیہ ثوبیہ سومرو نے مطالبہ کیا کہ پمز ہسپتال میں موجود تمام بچوں اور متاثرہ خاندانوں کے حوالے سے مکمل معلومات سامنے لائی جائیں تاکہ اصل صورتحال واضح ہو سکے۔